Игидэй орто оскуолатыгар, ыам ыйын 15 күнүгэр, Дьиэ кэргэн күнүгэр, Арассыыйаҕа дьиэ кэргэн сылыгар, Саха сиригэр оҕо сылыгар анаммыт дьиэ кэргэн икки ардыларыгар ТОК шоу интеллектуальнай күрэс бэрт сэргэхтик ыытылынна.
Күрэхтэһиигэ үс көлүөнэттэн турар 6 дьиэ кэргэн хамаандалара билим араас хайысхаларыгар тургутуну аастылар. Сорудахтары оскуолабыт методическай холбоһуктара толкуйдаан оонньоттулар, уопсай күрэхтэһии түмүгүнэн муҥутуур кыайыылааҕынан таҕыстылар 4 кылаас хамаандата — Аргунов Петр Петрович, Светлана Петровна, Айыына Варвариковалар.
1 миэстэ — 6 кылаас хамаандата — Ордахова Светлана Федоровна, Ирина Степановна, Слава Потаповтар.
2 миэстэ — 5 кылаас хамаандата — Ермолаева Людмила Коммунаровна, Туйаара Петровна, Лонгин Иовлевтар.
3 миэстэ — 3 кылаас хамаандата — Анна Михайловна Окоемова, Варвара Федоровна, Артем Бурмистровтар.
“Тобуллаҕас толкуйдаах дьиэ кэргэн” анал аат — 7 кылаас хамаандата — Анна Прокопьевна, Татьяна Эдуардовна, Лиана Марковтар.
«Иллээх дьиэ кэргэн» анал аат — 8 кылаас хамаандата — Кузьмина Любовь Макаровна, Эверстова Василиса Валерьевна, Иванов Валерий.
Аан дойдутааҕы Дьиэ кэргэн күнүнэн итиитик-истиҥник бары кыттыбыт хамаанданы эҕэрдэлиибит!
Алаһа дьиэҕит куруутун сылааһынан, сырдыгынан сыдьаайдын, оҕо чуопчаарар куолаһынан, үөрүүнэн туоллун, дьол-соргу эрэ аргыстастыҥ!
Любовь Захарова, дириэктэри иитэр үлэҕэ солбуйааччы.