«Ил Дархаммыт Айсен Сергеевич Николаев үөрэх эйгэтигэр улахан болҕомтону уурарын бэлиэтиибит, үөрэх систиэмэтигэр 2019 сылтан үлэлээбит «Үөрэхтээһин» национальнай бырайыак сүнньүтүнэн быйылгы үөрэх дьылыгар Эдуард Карлович Пекарскай аатынан Игидэй орто оскуолатыгар «Цифровая образовательная среда» 3 960 000 суумалаах оборудование кэлбитэ, «Күн туллуктара» оҕо уһуйааныгар Федеральнай «Успех каждого ребенка» бырайыак сүнньүнээн физкультурно-спортивнай уонна техническай хайысхаларынан барыта 519 058 солкуобай суумалаах икки кабинет арыллан оҕо сайдарыгар саҥа саҕахтары биэрэрэ былааннанар.
Бу барыта «Үөрэхтээһин» национальнай бырайыак күүскэ үлэлээбитин бигэргэтэр, бырайыак быйылгы сылынан үлэтин түмүктээн саҥа үүнэр 2025 сылтан «Молодежь и дети» национальнай бырайыак үлэҕэ киирээри турарын туһунан иһитиннэриини сэҥээрэ иһиттибит, бу бырайыак оҕону иитиигэ, талаанын сайыннарыыга уонна дойдуга бэриниилээх буолууга туһаайыллан үлэлээри турар бырайыак буолар«, диэн санаатын үллэстэр улуустааҕы үөрэх салаатын салайааччытын солбуйааччы Татьяна Тютрина.
«Таатта» хаһыат.