«Саргы дьаалы улааттын, сахалыы саҥа сатараатын, саха омук сайыннын» төгүрүк остуол тэрээһинин биир хайысхатын үлэтэ «Саха ыала. Саха тыла. Саха тыына» «Алгыс» балаҕаҥҥа буолла.
Тэрээһини Саха Өрөспүүбүлүкэтин биллэр-көстөр олоҥхоһута, оһуохайдьыта Афанасий Попов алгыстаан арыйда.
Тыл эттилэр:
1. Екатерина Петровна Чехордуна — педагогическай наука кандидата, СӨ үтүөлээх учуутала, этно педагог;
2. Федосия Васильевна Габышева — Саха сирин наукаларын академиятын академига, педагогика билимин дуоктара, бэрэпиэссэрэ, СӨ төрөөбүт киинин салайааччыта;
3. Татаева Валентина — сахалыы тылынан үөрэтэр логопед учуутал;
4. Николай Иванович Егоров — «Мандар Уус» Саха олоҕун кэлим түмэлин дириэктэрэ;
5. Егоров Август Васильевич — «Айар» национальнай издательскай компания дириэктэрэ;
6. Егоров Василий Михайлович — бокса спордун үтүөлээх маастара.
Бу хайысха үлэтигэр уопсайа 84 киһи кытынна. Сүрүн этии дьиэ кэргэҥҥэ Айыы үөрэҕин киллэриитин, дьиэ кэргэҥҥэ сахалыы саҥарыыны, кэпсэтиини, ааҕыыны, сахалыы толкуйу иҥэрэргэ туоһулаатылар, ону таһынан оҕо саха ыалын ийэтэ, аҕата буоларыгар эрдэттэн бэлэмниэххэ, оскуолаҕа ФГОС иитиитинэн, бэйэбит ис хоһооммутун киллэрэн биэрэн, ол онон иитэн-үөрэтэн саха чөй ыала үөскүүрүн туһугар эрдэттэн оскуолаҕа үөрэтиини дьүөрэлээн киллэриэххэ диэн кэпсэтии буолла.
Аһаҕас кэпсэтиигэ кыттыыны ыллылар: эдэр ыаллар, аҕа, ийэ, эһээ уонна эбээ түмсүүлэрэ.
М. Дайаана