Улууспутугар бу күннэргэ тэрилтэлэр, түмсүүлэр аҕам саастаахтарга болҕомто уурар, сүргэлэрин көтөҕөр элбэх тэрээһиннэри ыыталлар.
Биир оннук тэрээһини Таатта улууһун култууратын тэрилтэлэрин идэтийбит сойуустара (бэрэссэдээтэл Раиса Петрова) алтынньы 8 күнүгэр И.А. Аргунов аатынан улуустааҕы кииннэммит библиотекаҕа иилээн-саҕалаан ыыттылар.
Бу тэрээһиҥҥэ урукку өттүгэр оройуон култууратын салаатын салайсыбыт Николай Поповтан саҕалаан оҕо музыкальнай оскуолатыгар үлэлээбит Петр Иванов, Спартак, Мария Антоевтар, библиотекаҕа үлэлээбит Светлана Дьячковская, Альбина Большакова, Карл Христофоров, Таатта хаһыакка уһуннук үлэлээбит Иван Габышев, Аграфена Неустроева, Варвара Тихонова, онтон да атыттар, билигин да үлэлии сылдьар аҕам саастаах үлэһиттэр түмсэн, үөрэ-көтө алтыһан аастылар.
Улуустааҕы кииннэммит библиотека (салайааччы Анна Билюкина, эппиэттээх үлэһиттэр Лидия Аргунова, Сардана Кычкина, Лена Неустроева, Тамара Бочорукова, Светлана Коркина, редакцияттан Елена Слепцова, Михаил Копырин, оҕо искусствотын оскуолатыттан Сахаайа Колодезникова, култуура салаатыттан Татьяна Захарова, бука бары тус-туспа сорудах ылынан, араас күрэхтэһиилэри. викториналары, оонньуулары, хаартыскаҕа түһүүнү, өссө улуустааҕы психологическай сулууспаттан анал үөрэхтээх үлэһиттэри Мила Тистяхованы, Айталина Филиппованы ыҥыран, кырдьаҕастарга суоһуур доруобуйа хааччахтаныыларыттан быыһыыр нейрографика ньыматынан эрчиллиилэри көрдөрдүлэр.
Маннык сэргэх тэрээһини ыыппыт биир идэлээхтэрбитигэр барҕа махталбытын биллэрэбит, куруук аҕам саастаахтары ытыктыыргытын, үлэлээн да бүттэллэр болҕомто иитигэр тута сылдьаргытыгар баҕарабыт.
Бэй. Инф.