Хамаанда салайааччыта Нина Ивановна Турнина
СӨ Бырабыыталыстыбатын өйөбүлүнэн маҥнайгы өрөспүүбүлүкэтээҕи «Үлэ иис ыһыаҕын» күрэһэ Таатта улууһун Дьохсоҕон нэһилиэгэр ыытыллыбыта. Иис волонтердарын үлэтин-хамнаһын эйгэтэ кэҥээн, иккис улахан күрэс кэтэхтэн ыытыллыбыта. Билигини иис сыаҕын волонтердарын көҕүлээһиннэринэн үһүс төгүлүн өрөспүүбүлүкэтээҕи “Илии сылааһа” кэтэхтэн күрэс ыытылла турар.
Күрэс кыттыылаахтара анал байыаннай дьайыыга сылдьар хорсун-хоодуот дьоммутугар «Эр хоһуун» таҥас кэмпилиэгин тигэллэр. Саха сирин үрдүнэн уопсайа 13 улуус, 37 хамаанда, онтон Таатта улууһуттан 3 хамаанда кыттыыны ылар.
Тыараһа нэһилиэгиттэн Нина Ивановна Турнина салайааччылаах хамаандаҕа Татьяна Иннокентьевна Бястинова, Валентина Ивановна Турнина, Изабелла Николаевна Литвинцева, Евдокия Николаевна Чемпина ийэлии истиҥ сыһыаннарынан, илиилэрин сылааһынан бигээн, үлэлэрин саҕалаатылар.
Иис волонтердара «Эр хоһуун» кэмпилиэгэр флис таҥастан куурка, ис таҥас, футболка курдук уустук, үрдүк хаачыстыбалаах таҥастары тигэллэр. Уран тарбахтаах иистэнньэҥнэргэ иис сыаҕын волонтердара кэтэхтэн ыйан-кэрдэн көмөлөһөллөр, үтүө сүбэлэри биэрэллэр.
Волонтредар үлэлэрин олунньу 3 күнүгэр диэри тигэн, Дьокуускай куоракка ыытан, өрөспүүбүлүкэтээҕи дьүүллүүр сүбэҕэ ыытыахтара.
Биир дойдулаах Далбар Хотуттарбытыгар ситиһиилэри баҕарыаҕыҥ.
Мария Павлова.