Арассыыйа Бэрэсидьиэнэ Владимир Путин 2024 сылы Дьиэ кэргэн сылынан биллэрбитэ. Дьиэ кэргэн-туохха да тэҥнэммэт, тугунан да сыаналаммат, сүрэххэ саамай чугас ытык өйдөбүл.
Бүгүн билсиһиннэрэр ыалым, Ытык Таатта киинигэр олорор эдэр ыал Гоголевтар. Кинилэр 2020 сыллаахха ыал буолан 2 саастаах уол оҕолоохтор. Марк «Кэнчээри» оҕо саадын иитиллээччитэ. Ийэлэрэ Лира Дьокуускайдааҕы АГАТУ студентката, билигин уолун көрөн олорор. Аҕалара Дмитрий Д.А.Петров аатынан Ытык Күөл 2-с нүөмэрдээх орто оскуолатыгар үлэлиир, сварщик үөрэхтээх.
Эдэр ыал илиилэригэр талааннаахтар. Ыал ийэтэ Лира оҕуруонан тиһэр, ас арааһын астыырын ордорор. Аҕалара Дмитрий 2022 сыллаахха социальнай контракт ылан чааһынай дьиэҕэ благоустройство оҥорор. Тимиринэн сваркалаан араас көрүҥнээх күрүөлэри, остуоллары, олоппостору уо.д,а. оҥорор.
Эдэр ыал иннибитигэр саҥа дьиэ туттан, алаһа дьиэлэнэн, оҕо уруу кэҥэтиэхпит диэн эрэллээхтэр.
Елена Слепцова