Бу күннэргэ Таатта улууһун айылҕа харыстабылын инспиэксийэтэ күһүҥҥү кус булдугар көҥүлгэ лиссиэнсийэ биэриитигэр үлэлэһэр.
Улуустааҕы айылҕа харыстабылын старшай инспиэктэрэ Петр Неустроев кэпсиир: «Булчуттар госпошлина төлөөн күһүҥҥү, сааскы кэмнэргэ куска, мас көтөрүгэр көҥүл ыла сылдьаллар. Туйахтаахха, эһэҕэ сэрэбиэй түмүгүнэн кыайбыттарга, көрүллүбүт квотанан көҥүл биэрэ олоробут. Биһиги Таатта улууһун уопсай туһаныллар (общедоступнай) сиригэр-уотугар баҕалаах дьоҥҥо көҥүл биэрэбит. Ону таһынан “Тааттабулт”, Баайаҕа “БААТ” хаһаайыстыбалар, ИП П.Е.Белолюбскай бэйэлэрин сыһыарыылаах бултуур сирдэригэр көҥүл (лиссиэнсийэ) биэрэллэр. Айылҕата ураты харыстанар сирдэргэ (ООПТ) булчуттарга туйахтаахтары сонордоһорго эмиэ көҥүл бэриллэр».
Елена Слепцова.