Хаһыат:
«Кырдьаҕастан – сүбэтин, эдэртэн –эйэтин » бырайыагынан Дойдубут Президенэ Владимир Путин 2024 сылы Дьиэ кэргэн сылынан биллэрбитинэн Саҥа Дьылынан 90 саастарын ааспыт биир дойдулаахтарбыт эҕэрдэлэрин тиэрдэбит.Кинилэр ахсааннара улууска элбэҕэ үөрдэр. Дьиэ кэргэҥҥэ ытык кырдьаҕастаах буоллаҕына кини дурдалаах-хаххалаах, араҥаччыланар күүһэ улахан.
Бүгүн 92 саастаах Дьүлэй нэһилиэгиттэн төрүттээх Жарап Агапитович Оросин эҕэрдэтин ыытабыт. Кини кэргэнинээн Гуляева Мария Павловналыын 1956 сыллаахха холбоһон, 9 оҕолоохтор, элбэх сиэн, хос сиэн эбэлэрэ, эһэлэрэ, холбоспуттара быйыл 67-с сыла. Жарап Агапитович үлэ, тыыл бэтэрээнэ, Таатта улууһун бочуоттаах олохтооҕо, ытык аҕата, 12 сааһыттан холкуос, сопхуос үлэтигэр мискиллибит , Сталин төбөлөөх мэтээлинэн 14 саастааҕар наҕараадаламмыт ытык киһи.