Санкт Петербург куоракка Арассыыйа үрдүнэн ыытыллыбыт мас тардыһыы күрэһигэр биһиги оҕолорбут төрөөбүт дойдуларын аатын дорҕоонноохтук ааттатан, кыайыы өрөгөйүн тутан кэллилэр. Ол курдук мас тардыһыыга биирдиилээн бастыыр иһин Айтал Винокуров ыарахан (80 киилэттэн үөһэ) ыйааһыҥҥа чемпион аатын сүгэн аны күһүн Аан дойду чемпионатыгар кыттар быраабы ылла, ону тэҥэ Алеша Игнатьев 70 киилэҕэ диэри ыйааһыҥҥа киирсэн бочуоттаах үһүс миэстэҕэ тахсан Арассыыйа призера буолла, тренер П.П. Стрекаловскай.
Петр Петрович күн ахсын оҕолорун бииргэ сомоҕолуур уораҕайыгар түмэн, спорт күүһүгэр киллэрэн, бары өттүнэн сайыннаран, аҕалыы сүбэлээн, саха боотурдарын иитэн, хас күрэс ахсын долгуйан, алҕаан, бүөбэйдээн илдьэ сылдьара ситиһии суолун арыйар. Онон Петр Петровичка уонна кини үөрэнээччилэригэр истиҥ иһирэх эҕэрдэ буолуохтун. Бу курдук кыайыы өрөгөйө оҕуруолуу тиһиллэн элбии турарыгар баҕарабыт.
Маны таһынан мас тардыһыытыгар улахан дьоҥҥо бэйэлэрин ыйааһыннарыгар Россия чемпионатыгар Татаринов Никита 3 миэстэ, Баишев Владимир 2 миэстэ, Сивцева Саина 2-с миэстэ ылары ситистилэр.
Уруйана.