Алтынньы 1-3 күннэригэр Дьокуускай куоракка мас тардыһыыга Россия первенствотыгар кыттар иһин путевкалаах күрэхтэһии «Модун» успуорт киинигэр ыытылынна. Россия первенствота бу сыл сэтинньи ый ортото, Европа первенствота сэтинньи ый бүтүүтэ бэлиэтэнэр.
Улууска оҕолорго мас тардыһыытыгар сүрүн тириэнэрэ Петр Стрекаловскай кэпсииринэн: “Бу күрэхтэһиигэ 12 улуустан, 250-ча күрэхтэһээччи илин-кэлин түһүстэ. Биһиги улуустан 8 уол кыттыыны ылла. Үөрүөхпүт иһин икки уолбут, Уолба орто оскуолатын үөрэнээччилэрэ 50 киилэҕэ Ариан Неустроев бастакы миэстэни, онтон 60 киилэҕэ Виталий Петров иккис миэстэни ыланнар үөрүү өрөгөйүн биллилэр (тренердэрэ А.М. Неустроев). Онтон Ытык Күөл 1-гы нүөмэрдээх орто оскуолатын 10 кылааһын үөрэнээччитэ Мирон Андросов сэтинньи ыйга Европа чемпионатыгар кыттарга ыҥырыы тутта (тренерэ П.П. Стрекаловскай)».
Мирон Андросов тириэнэринээн Петр Стрекаловскайдыын
Уолаттарбытыгар өссө үрдүк ситиһиилэри, үрдүк дабайыылары.
Елена Слепцова.