Быйыл Чөркөөх ыһыаҕа икки күн устата буолла.
Бастакы күн музейга П.Е.Решетников-Көһөҥө Бүөтүр төрөөбүтэ 90 сылынан кини олоҥхотун толорууга куонкурус ыытыллыбыта. Олоҥхоһуттар ортолоругар Номоҕон Арчыман Григорьевич, Баайаҕа нэһилиэгиттэн төрүттээх уол баара. Кини бэйэтэ айбыт «Үс кут» диэн остуол оонньуутун билиһиннэрдэ.
Саха киһитэ киһини үс куттаах диэн ааттыыр. Хас биирдии кут бэйэ-бэйэтин кытары быстыспат сибээстээх. Бу оонньууга үс кут быстыспат ситимэ көстөр, ону таһынан көстүбэт эйгэлэр алтыһыылара, олоҕу олоҥхо хараҕынан көрүү, саха былыргы өйдөбүллэрэ киирэ сылдьаллар. Бу оонньуу тутаах соругунан, оонньуу нөҥүө кэлэр кэнчээри ыччаттарга төрүт өйдөбүлү тиэрдии уонна саха омуга хас эмэ үйэлэр усталарыгар харыстаан илдьэ кэлбит ис дьиҥ түһүнан ытык өйдөбүллэрин иҥэрии буолар.
Номоҕон Арчыман бу оонньууну оҕолор оскуола алын кылааһыттан саҕалаан үөрэнэн, дьарыктанан, күрэхтэһиилэргэ кытталларыгар баҕа санаалаах.
Сардаана Аввакумова.