Бу күннэргэ Москваҕа » Планета искусств» Аан дойдутааҕы фестивальга Саха сирин Таатта улууһун Дьүлэй нэһилиэгин 6 кылааһын үөрэнээччилэрэ фольклорнай номердарынан кыттан 4 номинацияҕа кыайыылааҕынан таҕыстылар.
Ол курдук, «Тоҕус тойон» уолаттар ансаанбыллара – лауреат 2 степени «Чохчоохой» уолаттар үҥкүүлэрэ, Тимур Эляков үҥкүүтэ, Нина Егорова, «Якутяночка» сольнай үҥкүүлэрэ — лауреат 3 степени ылары ситистилэр. Салайааччыларыгар С.Д.Андросовка «За педагогическое мастерство» анал аат үрдүк сыанаттан туттарылынна.
Бу барыта И.Н.Гуляев аатынан Туора Күөл орто оскуола коллектива, төрөппүттэрэ ситимнээх үлэлэрин түмүгэ, үүнэр көлүөнэ талаана толору сайдарын туһугар бары бииргэ түмсэн, күүстэрин холбоон ситиспит кыайыыларынан истиҥ эҕэрдэ буоллун, ситиһиилэр кэлэ турдунар.
Оҕолор айаҥҥа ороскуоттара улууспут «Дьоҕурдаах оҕолору сайыннарыы» анал программанан үбүлэннэ. Инникитин даҕаны программа салҕыы үлэлээн дьоҕурдаах оҕолору сайыннарыыга туһалааҕын төрөппүттэр махталлара, оҕолор ситиһиилэрэ туоһулуур!
Мира Луковцева.