Таатта улууһунааҕы ойуур хаһаайыстыбатын үлэһитэ Петр Уранаев от ыйын 1 күнүгэр олохтоммут федеральнай таһымнаах ыксаллаах быһыы-майны эрэсиимэ Саха сиригэр тахсыбыт баһаардары суох оҥорорго кыаҕы биэриэҕэ диэн санаатын үллэстэр:
— Саха сиригэр 100-н тахса баһаар баар. Кураан уонна этиҥ ойуур баһаара тахсарыгар сабыдыаллыыр. Тыһыынчанан гаалаах тыа, ойуур умайар. Таатта улууһугар биир ойуур баһаара туран, ону умуруоруу үлэлэрэ бараллар. От ыйын 1 күнүгэр Саха сиригэр федеральнай суолталаах ыксаллаах быһыы-майгы эрэсиимэ баһаары утары үлэҕэ эбии күүһү-кыаҕы биэриэ. Ойуур баһаардарын умуруорууга суһал, сөптөөх быһарыныы ылынылынна дии саныыбын.
Сайаана Львова.