Киэҥ эйгэҕэ улууспут аатын ааттатар, модун санаалаах, кыайыыга дьулуурдаах бастыҥ спортсменнарбытын үрдүк ситиһиилэринэн эҕэрдэлиир түһүлгэ буолан ааста. Манна улуус баһылыгын бастакы солбуйааччыта Руслан Захаров, улуустааҕы спортивнай кэмитиэт салайааччыта Ньургун Сабарайкин ааттарын-суолларын дорҕоонноохтук ааттаппыт спортсменнарын, холобур буолар бастыҥ тренердарын чиэстээтилэр.
Бу үөрүүлээх күҥҥэ Руслан Захаров Таатта улууһун дьаһалтатын аатыттан итии-истиҥ эҕэрдэтин эттэ: «…Төрөөбүт дойдугутун ааттата өрөспүүбүлүкэҕэ, ону тэҥэ араас улахан хабааннаах күрэхтэргэ киирсэн, Аан Дойду түһүлгэлэригэр тиийэ бириистээх миэстэлэри ылан, куруук инники сылдьаргытыттан бу таатта улууһун дьоно–сэргэтэ эһиэхэ бүгүн махтал тылын тиэрдэр. 2025 сылга буолаары турар Манчаарыбыт оонньууларыгар өссө күүскэ бэлэмнэнэн, ситиһии аргыстаах, инники күөҥҥэ сылдьыаххыт диэн эрэнэбит. Инникитин баҕарыа этибит өссө үрдүк дабайыылары, ааттаах-суоллаах бастыҥ кыайыылары…» баҕарда. уонна Кубок России бастаабыт, Саха сирин призердарыгар биирдиилээн киирсээһин кыайыылаахтарыгар харчынан бириэмийэ сертификатын туттартаата.
Маны тэҥэ Ньургун Сабарайкин 2023 сыл түмүгүнэн «Бастыҥ салайааччы» аатын сүкпүт Рахлеев Прокопий Дмитриевичка эҕэрдэ бастыҥын тиэрдэ наҕараада туттарда. Маны таһынан Бочонин Иван Иванович «Лучшая Федерация 2023 — Мас-Рестлинг председатель Федерации» номинация үрдүк аатын сүктэ.
Түмүккэ Ньургун Сабарайкин барҕа махталын тиэрдэн туран инникитин даҕаны өссө үчүгэйдик үлэлэһэн, Тааттабыт аатын ааттата туруохпут диэн баҕа санаатын эттэ.
Таатта улууһун 2023 сыл түмүгүнэн 10 бастыҥ спортсменнара.
- Жирков Константин Алексеевич – (мас тардыһыыта ) тренер Кудрин Егор Петрович.
- Попов Леонид Львович– (хапсагай), тренер Малышев Егор Дмитриевич.
- Аввакумов Албан Вячеславович – (көҥүл тустуу) тренер Дмитриев Иван Иванович.
- Сивцев Антон Владиславович–(Бокс), тренер Бысыин Николай Николаевич.
- Малышев Олег Александрович– (волейбол) тренер Турнин Иван Герасимович.
- Егасова Светлана Ивановна – (ох саанан ытыы) тренер Павлова Галина Лукинична.
- Петрова Диана Егоровна – (гиревой спорт), тренер Дьячковский Василий Николаевич.
- Варламов Альберт Николаевич – (чэпчэки атлетика)
- Сунхалырова Екатерина Николаевна – (пулевой ытыы)
- Захаров Пантелеймон Романович – (русские шашки)
Адаптивнай спорт бастыҥ спортсменнара.
1.Максимов Яков Николаевич – (чэпчэки атлетика) , тренер Оленов Василий Андреевич.
2. Юнчанова Саина Егоровна — (русские шашки) , тренер Ушницкий Петр Петрович.
3. Никифоров Альберт Яковлевич – (пауэрлифтинг) , тренер Степанов Аркадий Валерьевич.
4. Винокуров Андрей Михайлович – (чэпчэки атлетика), тренер Макаров Эрчим Григорьевич.
Мас тардыһыытыгар Аан дойду уонна Европа чемпионнара
- Жирков Константин Алексеевич , тренер Кудрин Егор Петрович.
- Орлова Туйаара Ивановна, тренер Орлов Артур Петрович,
- Баишев Владимир Владимирович , тренер Кудрин Егор Петрович.
Тааттабыт улууһун спорт сайдыытыгар инники кэскиллэрэ, эдэркээн чемпионнар.
Дьулус Хатылаев (греко-римская борьба), тренер Егор Малышев, Саян Татаринов ( самбо), Егор Окоемов ( хабылык-хаамыска) Афанасий Ширяев, Наташа Лебедева, тренер Константин Ширяев, Диана Павлова,(Бадминтон) тренер Большаков Максим, Анжела Аргунова, ( пулевая стрельба) тренер Аргунова Актислава.
Кыайыы өрөгөйө биллэн турар айылҕаттан дьоҕурдаах, кэнчээри ыччаты бары өттүнэн сайыннарар, үлэлэһэр, кыайыыга кынаттыыр тренердар сыралаах үлэлэрин түмүгэ буолар, онон холобур буолар дьоммутугар итии истиҥ эҕэрдэ буолуохтуҥ! Онтон киэҥ туттар спортсменнарбытыгар инникитин тулууру, дьулууру, кыайыыны баҕарабыт. Эһиги ааккыт-суолгут аан дойду араас муннуктарыгар тиийэ иһиллэ, ааттана, туруохтун!
Уруйана.