Быйыл Таатта улууһугар үлэни өрө туппут 17 холобур буолар дьоһун ыал «Бочуот кинигэтигэр» киирэн, Ытык ыал ахсаана хаҥыыр.
Сүрэхтэрин холбоон бииргэ олорбут дьоһун дьоммут:
Тааттынскай нэһилиэк Ытык ыала Лидия Ивановна Тихонова уонна Пантелеймон Карпович Мартынов — «Тимир уруу» 65 сыл бииргэ олорбут Ытык ыалларбыт;
Тааттынскай нэһилиэктэн Маргарита Николаевна, Роберт Николаевич Николаевтар уонна Татьяна Дмитриевна, Егор Степанович Неустроевтар – «Изумруд таас уруу» 55 сыл бииргэ олорбут киэн туттар ыалларбыт.
50 сыл бииргэ олорон, «Кыһыл көмүс урууларын» бэлиэтээбит ытык-мааны ыалларбыт:
Дьүлэй нэһилиэгиттэн Галина Гаврильевна, Василий Владимирович Захаровтар уонна Изабелла Александровна, Афанасий Николаевич Павловтар, Александра Васильевна, Иван Иванович Павловтар, Клавдия Егоровна, Павел Серафимович Атастыровтар;
Орто Амма нэһилиэгиттэн Мария Лукинична, Алексей Иннокентьевич Уваровтар;
Тааттынскай нэһилиэктэн Екатерина Игнатьевна, Михаил Петрович Бурнашевтар;
Дьохсоҕон нэһилиэгиттэн Альбина Александровна, Василий Иванович Тарбаховтар;
Уус Амма нэһилиэгиттэн Ирина Никитична, Николай Романович Варламовтар;
Октябрьскай нэһилиэктэн Розалия Романовна Моржотова, Николай Николаевич Сивцев.
Истиҥ эйгэлээх дьиэ кэргэн үксүү, холобур буолар дьоһун ыал элбии туруохтун!
Таатта улууһугар «Бочуот кинигэтигэр» киирбит дьоһун ыаллар
