Атырдьах ыйын 12-20 күннэригэр Таатта уонна Томпо улуустарыгар харах быраастара үлэлииллэр, катаракталаах дьоҥҥо эпэрээссийэ оҥороллор.
Тааттатааҕы Киин балыыһа телеграм каналыгар суруйарынан, офтальмологтар бөлөхтөрүгэр икки быраас уонна икки медсестра киирэн, бастакы күҥҥэ 24 киһиэхэ туох да кэһиллиитэ суох, ситиһиилээхтик катаракталарын эпэрээссийэлээтилэр. Өссө 28 киһиэхэ оҥоруохтаахтар. Онтон салгыы ыаллыы Томпо улууһугар тиийэн үлэлиэхтээхтэр.
Харах балыыһатын кылаабынай бырааһа Иван Луцкан этэринэн, биригээдэлэр улуустарга олохтоох балыыһалар ыҥырыыларынан тахсаллар. Олохтоох офтальмолог быраас саҥа аныгы оборудованиелар көмөлөрүнэн пациеннары булар уонна эпэрээссийэҕэ бэлэмниир. Онон эрдэ бэлэмнэниллибит буолан эпэрээссийэлииргэ дөбөҥ. Былырыын харах быраастара Саха сирин 19 улууһугар сылдьыбыттар. Быһа холоон 1,4 тыһыынчаттан тахса киһини көрбүттэр уонна 1,5 тыһыынчаттан тахса эпэрээссийэни оҥорбуттар.
Тааттатааҕы киин балыыһа сонуннарыттан.