Таатта улууһун дьаhалтатын аактабай саалатыгар 35-гэр диэри саастаах эдэр ыаллар дьиэ тутталларыгар, тупсаралларыгар сэртипикээт туттардылар. Арассыыйа бэрэсидьиэнэ Владимир Путин эдэр ыалы өйүүр сыаллаах судаарыстыбаннай бырагыраамалары көҕүлүүр. Олор олоххо киириилэрин, туолууларын тус хонтуруолугар тутар.
Судаарыстыбаннай бырагыраама чэрчитинэн, быйыл улууспутугар 10 ыал дьиэ тутталларыгар субсидияҕа тиксэн сэртипикээт ыллылар. Маны дойдубут бэрэсидьиэнэ Владимир Путин биллэрбит Дьиэ кэргэн, улууска Таптал.Эрэл.Итэҕэл сылларынан улуус баһылыгын социальнай боппуруостарга солбуйааччыта Святослав Сунхалыров эҕэрдэлээн туран, сэртипикээттэри туттарда уонна эдэр ыччат төрөөбүт дойдуларыгар кэлэн олохсуйара, инникитин үлэлээн-хамсаан кэскиллэрин иитэн-үөрэтэн таhааралларыгар баҕарда.
Таатта улууhугар ааспыт сылларга бу бырагырааманан элбэх ыал сэртипикээт ылбыт буоллаҕына, быйыл 10 эдэр ыал 1 мөл.134 тыһыынчаттан саҕалаан 1 мөл.500 тыһыынчаҕа диэри суммалаах сэртипикээти ылан, сана дьиэ туттар, дьиэлэрин толору хааччыллыылах гына тупсарар кыахтаннылар.
Елена Слепцова.