Тааттаҕа Ытык Күөл Алампа аатынан орто оскуолатыгар барыта 833 оҕо үөрэнэр. Улуу Шекспир төрөөбүт күнүн көрсө Англия тылын нэдиэлэтэ ситиһиилээхтик ааста. Аныгы оҕо интэриэһиргиир тэрээһиннэрэ ыытылыннылар. Оҕо- аймах сэргээн, биһирээн көхтөөх кыттыыны ыллылар Ол курдук ыытылыннылар караоке ырыа күрэҕэ, Британия аһын куоҥкуруһа, олимпиада, радиорубканан оҕолор английскайдыы ырыалара, хоһоонноро, Вильям Шекспир аатырбыт айымньытынан видео ролик таҥылынна, куолу куонкуруһа английскай тылынан тэрилиннэ.
Оҕолорбут ыраастык, холкутук Англия тылынан саҥаралларын оскуолабыт үөрэнээччилэрэ, учууталлара, төрөппүттэрэ иһиттилэр, билистилэр. Сэттис «б» кылаас уруок эбии үөрэх кэмигэр «Food Show» диэн ааттаан ас астаатыбыттарыттан олуһун астыннылар.
Ахсыс кылаас оҕолоро начальнай кылаастарга киирэн тугу сатыылларын, хайдах курдук холкутук омуктуу саҥаралларын көрдөрдүлэр, көрдөөх оонньуу ыыттылар, ырыа- үҥкүү үөрэттилэр, кырачааннар ыйытыыларыгар хоруйдаатылар. Саамай элбэх кыттааччыны станциянан сорудахтаах оонньуу түмэ тарта. Бу оонньууга оҕолор английскай тылы билиилэрин, английскайдыы саҥарар дьоҕурдарын, дойдулар култуураларын билиилэрин бэрэбиэркэлиир, хамаанданан үлэ сатабылын көрдөрдүлэр.
Маны таһынан нэһилиэк иһинэн кыра кылаастарга иккис төгүлүн Квиз-күрэх тэрилиннэ. Манна Ытык Күөл үс оскуолата кыттан үгүс оҕону бу түһүлгэҕэ түмтэ, омук тылын үөрэтэргэ угуйда. Ону тэҥэ Германия Вальдорф куоратын чааһынай оскуолатын оҕолоругар сурук суруйан ыыттылар, кинилэри кытта салҕыы доҕордоһуу ситимин олохтоотулар.
Тэрээһини ыытарга үөрэнээччилэр Юра Максимов, Диана Сидорова уонна 8, 9, 10 кылаас оҕолоро ис сүрэхтэриттэн кыһаллан туран көмөлөстүлэр, күрэхтэһиилэри иилээн-саҕалаан ыытыстылар.
Бары тэрийээччилэргэ, кыттааччыларга ис сүрэхпититтэн махтанабыт. Омук
тылын сэҥээриҥ, үөрэтиҥ диэн ыҥырабыт.
Алампа аатынан
Ытык Күөл орто оскуолатын омук тылын учууталларын метод холбоһуга