Кулун тутар 16 күнүгэр Н.Д. Неустроев аатынан Уус Таатта орто оскуолатыгар саха литературатын төрүттээччи, поэт, учуонай, бөлүһүөк А.Е. Кулаковскай — Өксөкүлээх Өлөксөй төрөөбүт күнүгэр “Өксөкүлээх уруоктара” ыытылынна.
Оскуола педагог-библиотекара Р.А. Готовцева, олохтоох модельнай библиотека библиотекара А.К. Маркова, саха тылын уонна литературатын учуутала А.П. Николаева оҕолорго суруйааччы олоҕун, айар үлэтин туһунан кэпсээтилэр, презентациянан викторина ыыттылар.
Саха Өрөспүүбүлүкэтин Ил Дархана А.С. Николаев өрөспүүбүлүкэ үрдүнэн биллэрбит «Өксөкүлээх Өлөксөй биэс сыла» биллэриллибитин иһинэн ыытыллар үлэ чэрчитинэн “Өксөкүлээх сардаҥата” аахсыйаҕа кытынныбыт.
Бүгүн Саха өрөспүүбүлүкэтин үрдүнэн ыытыллар быһа биэриигэ кыттыһан, Өксөкүлээх Өлөксөй балаҕанын көмүлүөк оһоҕуттан уот саҕан, чүмэчи уматтыбыт.
Өксөкүлээх Өлөксөй сиэнэ, Таатта улууһун бочуоттаах олохтооҕо, РФ үөрэҕириитин туйгуна Рива Реасовна Кулаковская тус бэйэтинэн уоту уматан, сардаҥа ыыппытын бары долгуйа көрдүбүт, уонна “Өксөкүлээх сардаҥата” аахсыйа үөрэнээччилэргэ киэн туттуу үтүө өйдөбүлүн хаалларда.
А.П. Николаева, Р.А. Готовцева.