Арассыыйа Бэрэсидьиэнэ Владимир Путин быһа эпииргэ сыл түмүктэрин таһаарда, ону тэҥэ элбэх боппуруоска эппиэттээтэ.
Ол курдук, Бэрэсидьиэн Владимир Путин 2024 сылы Дьиэ кэргэн сылынан биллэрбитэ. Ол чэрчитинэн, кэлэр сылга дьиэ кэргэттэри, оҕо төрөөһүнүн, демографическай бэлиитикэни өйүүр эбии миэрэлэр ылыллыахтара диэн эрэнэбит. Дьиэ кэргэттэри өйүүр эбии миэрэлэр өрөспүүбүлүкэҕэ номнуо биллэллэр: кэлэр сылтан Өрөспүүбүлүкэтээҕи ийэ хапытаалын суумата икки төгүл үрдээтэ, ону тэҥэ, 25-гэр диэри саастаах эдэр дьон ыал буолалларыгар харчы төлөнөр буолуоҕа.
Бэрэсидьиэн: «Оҕону иитии – тус холобурунан” — диэн эппитин сэҥээрэ иһиттим. Онон биһиги эдэр ыччат, эдэр ыал бэйэбит холобур буолуохтаахпытын умнуо суохтаахпытын өссө биирдэ толкуйдатар, диэн эттэ Таатта улууһун ыччат уонна дьиэ кэргэн салаатын начальнига Иван Иванов.
Елена Слепцова.