Аан бастаан ЫБМС (МЧС) олоххо киирэригэр ыарахан соҕус этэ, адьас нуултан саҕалаатахпыт дии, аҥаардас үлэбитинэн норуот, нэһилиэнньэ сөптөөхтүк ылынарын ситиспиппит.
— Гсм тыытыллыбат хасааһын (неприкосновенный запас) оҥостон, нэһилиэк аайы аварийнай дизеллэр баар буолууларын ситиһэн, тэрилтэлэр да билинэр буолтара. Боломуочуйабыт улаатан, баһылык бэрэссэдээтэл буолан сэрэхтээх буолууга бэрээдэги олохтообуппут. Дьон-сэргэ өйөөн адьас түргэнник күүһүрбүппүт, анал формаланан нэһилиэктэр букатын биһигиттэн атыны билиммэт буолтара. Билигин саныырга үчүгэй баҕайы, букатын байыаннайдар курдук этибит.
— Түүн тохсунньу тымныытыгар квартальнай хочуол алдьанан, иккилии этээстээх панель дьиэлэр олорор дьонун эвакуациялааһын ыарахан этэ, утуйа сытар кыра оҕолоох, сааһырбыт да дьону ааннарын тоҥсуйан хочуол алдьанна, систиэмэ уутун тоҕобут, таһырдьа массыыналар күүтэн тураллар, наадалааххытын эрэ ылан аймахтаргытынан көһөҕүт диэн суһаллык эвакуация оҥортообуппут. Систиэмэ уутун сылаас эрдэҕинэ ыыталаан, биир да батарея алдьаныытын таһаарбатахпыт. Билигин саныыбын ээ, дойдум дьоно бэйэбин билэр буолан, биир да ыал бу түүннэри ыал аанын дибдийэр туоххунуй, итириккит дуо? Милииссийэҕэ звоннуохпут диэн мөккүөр да, этиһии да тахсыбатаҕа. Дэриэбинэ билбэккэ да хаалбыта, эвакуация оҥорбуппутун. Эһиги баар буолаҥҥыт адьас холку этим.
— Ууга барыыга иһэр уу суох буолан, вертолётунан пластик бутылочнай ёмкостарынан дьон иһэр уутун таспыппыт, куорат ЫБМС салалтата кыра оҕолору, кырдьаҕастары куоракка эвакуациялаабыта, барыларын санаторийдарынан түһэртээбитэ… Чахчы кыахтаах быыһыыр тэрилтэ буоларын көрдөрбүтэ. Таатта дьонун булуустарыгар хаһааммыт иһэр муустарын, аһыыр астарын, арыыларын, хаһаастарын барытын буордаах уу толортообута, дьон, кырдьаҕастар ытыы сылдьаллара көрөргө ыарахан этэ. Таатта барахсан ууттан эмсэҕэлээбитэ элбэх этэ. Чөлүгэр түһэриигэ ЫБМС көмөтө, сүбэтэ улахан этэ. Туох баар республика, улуустар, ЫБМС үлэһиттэрин кэлбит Саҥа дьылынан Таатталар ааттарыттан эҕэрдэлиибит, үлэҕитигэр, бэйэҕитигэр, дьоҥҥутугар, оҕолоргутугар, сиэннэргитигэр, аҕам саастаах дьоҥҥутугар бары үтүөнү баҕарабыт. Тааттаҕа буолбут аны хатыламматын барыгытыгар диэн алгыс тылбытын этэбит.
Бары үтүөнү кытта Каприн Г.И. Таатта.14.01.2025.