Таатта улууһун Ытык Күөлүгэр «Формирование современной городской среды» бырагыраама сүнньүнэн бюджеттан 29 266 900 солк. көрүллэн, паарканы саҥардыы үлэтэ ыытылла турар.
2025 сыллаахха буолар “Манчаары ооньууларын” көрсө пааркаҕа дьон сынньанар сирэ уонна күрэхтэһиилэри тэрийэр зоналар баар буолуохтаахтар.
Дьон сынньанар зонатын бырайыагын бэйэбит уолбут, Таатта талааннааҕа «Градо» АБ салайааччыта Иван Кычкин уонна Кыыдаана Игнатьева толкуйдаабыттар.
Бүгүҥҥү туругунан тутууну ИП С.С.Филатов ыыта сылдьар, ол курдук дьон сылдьарыгар уонна велосипед тэбээччилэргэ аналлаах тротуар оҥоһуллубут. Сыл устата үлэлиир смотровой былаһаакка, павильоннаах тутуута бара турар. Үлэ күүскэ ыытыллар, кыстыкка киириэххэ диэри бүтэрэр сорук турар.
Елена Слепцова.