Ил Түмэн уонна тус бэйэм ааппыттан эһигини Саха Өрөспүүбүлүкэтин күнүнэн эҕэрдэлиибин!
Бу күннэргэ бары улуустарга, оройуоннарга өрөспүүбүлүкэбит төрүттэниитигэр бэйэлэрин сүдү кылааттарын киллэрбит улуу дьоммутун ахтан-санаан ааһабыт, ытыктабылбытын биллэрэбит. Ол курдук, Максим Кирович Аммосов, Исидор Никифорович Барахов, Степан Максимович Аржаков, Платон Алексеевич Ойуунускай уонна да атын ити кэминээҕи чаҕылхай дьоммут ааттара дорҕоонноохтук ааттанар. Кинилэр ыыппыт далааһыннаах үлэлэрин, кэскиллээх толкуйдарын түмүгэр биһиги өрөспүүбүлүкэбит автономия статуһун ылан, тэтимнээхтмик үүнүү-сайдыы суолугар бигэтик үктэммитэ.
Билигин даҕаны биһиги кинилэри ыччаттарбытыгар холобур оҥостобут, дойдуларыгар, норуоттарыгар бэриниилээх буолууларын, үйэлээх үтүө түмүктээх үлэлэрин, мындыр, ырааҕы өтө көрөр дьоҕурдарын киэн туттабыт. Бүгүҥҥү үөрүүлээх күҥҥэ эһиэхэ барыгытыгар чэгиэн-чэбдик туругу, дьолу-соргуну, этэҥҥэ буолууну баҕарабын!
Саха Өрөспүүбүлүкэтин норуотун дьокутаата В.Н.Лебедев