Хас биирдии киһи олоҕор ситиһиилээх буолуон баҕарар.Онтон үөрэхтээх, сөбүлүүр идэтин баһылаабыт ситиһиилээх киһи буоларга оҕону кыра сааһыттан саҕалаан , ааҕыыга умсулҕаны иҥэриэхтээхпит. Ол барыта төрөппүт, учуутал, библиотекарь ыкса сибээстээх үлэтин түмүгүнэн ситиһиллэр диэн билэбит. Ол курдук, Алдан нэһилиэгин модельнай библиотекатын сүрүннүүр үлэһитэ Маркова Акулина Корниловна, оскуола педагог-библиотекара Готовцева Розабелла Ананьевна, кылаас салайааччыта, саха тылын, литературатын учуутала Николаева Алевтина Пятионовна
«Библионочь- 2024. Дьиэ кэргэнинэн бары бииргэ ааҕабыт» диэн күрэхтэһиилээх улахан ааҕыыны Уус Таатта орто оскуолатын 5 кылааьын үөрэнээччилэригэр, төрөппүттэригэр ыыттылар. Дьиэтээҕи библиотекаларыттан сөбүлээн ааҕар кинигэлэрин быыстапкаҕа туруоран кэпсээтилэр, кинигэ туһунан саха суруйааччыларын хоһооннорун дорҕоонноохтук аахтылар, өс хоһоонноругар, суруйааччы псевдонимыгар тургутугу аастылар. Күрэхтэһии түмүгүнэн Влада Герасимова ийэтиниин Юлия Федотовналыын — Кылаан чыпчаал, Саша Осипов уонна эбэтэ Лидия Ивановна,эдьиийэ Вера Ивановна, ийэтэ Александра Дмитриевна — 1миэстэ, Айыына Слепцова эбэтиниин Анна Федотовналыын — 2 миэстэ, Артур Никулин ийэтиниин София Павловналыын — 3 миэстэ буоллулар . Ити курдук, төрөппүт уонна оҕо бииргэ ааҕыытын көҕүлүүр тэрээһиммитигэр барыта 32 киһи кытынна. Кыра саастан ааҕар оҕо сайдыылаах, ситиһиилээх, чиҥ билиилээх киһи буоларыгар маннык тэрээһин көдьүүһэ улахан.
Розабелла Готовцева, Алевтина Николаева, Уус Таатта