Буллинг (тыйыс сүрэхтээх, аһыныгаһа суох буолууну) утары күн ыытылынна

Бу күннэргэ норуоттар икки ардыларынааҕы буллинг утары көмүскэллээх буолуу күннэрэ ыытылынна. Бу күннэр чэрчилэринэн Харбалаахтаааҕы үөрэхтээһин холбоһугун педагог-психолога Дьяконова Василиса Ивановна тэрийиитинэн киэҥ, дириҥ ис хоһоонноох үлэ барда.

Кылаас салайааччылара оҕолорго сэрэтэр ис хоһоонноох сонун кылаас чаастарын ыыттылар. Оҕолор буллины утарар былакааттары оҥорбуттарын оскуолаҕа быыстапкалаан көрдөрдүлэр. Ордук үчүгэй үлэни Федоров Ренат, Горохова Лена, Уварова Алеся -6 кылаастар, Брызгалова Нарыйаана, Васильева Саина, Антоева Вероника -7 кылаас үөрэнээччилэрэ оҥорбуттара бэлиэтэннэ. Оҕолор үлэлэригэр маннык дьайыыны олох утаралларын ойуулаан көрдөрбүттэрэ хайҕаллаах.Хас да күн уоскулаҥ кэмигэр «Буллинг- профилактика жестокого обращения, буллинга и кибер буллинга» презентация көрдөрүллүбүтүн оҕолор сэҥээрэн көрдүлэр, кылаастарыгар дьүүллэстилэр.
Педагог-психолог кылаастарынан сылдьан,»Киһи иэйиитэ, олоххо тирэхтээх буолуу, бэйэни салайына үөрэнии трениннэри оҥоттордо. Онон оҕо бэйэтин көмүскэнэ үөрэнэригэр олус туһалаах үлэ ыытылынна. Бу үлэҕэ, буоларын курдук, кылаас салайааччылар көхтөөхтүк кыттан, күүс-көмө буоллулар.

Валентина Кривошапкина, Харбалаах.

Читайте дальше