Олунньу 21 күнүттэн кулун тутар 18 күнүгэр диэри Былатыан Ойуунускай аатынан Саха академическай театра Таатта улууһугар сааскы гастролга турунуоҕа.
Олохтоохторго уонна ыалдьыттарга көрөөччү киэҥ араҥатын биһирэбилин ылбыт Саха театрын бастыҥ туруорууларын – Карел Чапек «Ийэ», Былатыан Ойуунускай «Оҕо куйуурдуу турара», «Омуннаах оҕо», «Оҕоҕо баҕарбыт», «Өйдөөх оҕо» испэктээкиллэри көрдөрүөхтэрэ.
Санатан этэр буоллахха Арассыыйаҕа 2024 сыл Дьиэ кэргэн сылыгар «Дьиэ кэргэнинэн бары бииргэ” улахан бэдэрээлинэй бырайыак саҕаламмыта, Саха өрөспүүбүлүкэтигэр — Оҕо саас сылынан биллэриллибитэ. Ол сүрүнэ – төрөппүттэр уонна оҕолор бириэмэлэрин туһалаахтык бииргэ атааралларыгар олус үчүгэй бырайыак. Онон дьиэ кэргэттэри испэктээкилгэ бары бииргэ кэлин диэн ыҥырабыт, оҕолоргутун кытта тэҥҥэ кэлэн испиктээкиллэ көрүҥ, хаартыскаҕа түһүн.
Елена Слепцова