Киэҥ нэлэмэн Сахабыт сирин олохтоохторо, биһиги бары биир киһи курдук талбыт Ил Дархаммытыгар Айсен Сергеевичка саҥа болдьоххо талыллан салҕыы таһаарыылаах уонна үтүө түмүктэрдээх үлэни баҕарабыт. Бүгүҥҥү национальнай көрдөрөр иһитиннэрэр хампааньыйа күөх экраҥҥа быһа биэриитигэр инники үлэ сүрүн тосхоллоро уонна оҥоһоллубут үтүө түмүктэрин көрдүбүт.
Бу кэннэки хоту улуустарга улахан болҕомто ууруллубутун кэпсээтэ.Саҥа программалар уонна проектар үлэлээн олоххо киирэллэрэ наһаа үчүгэй. Ити доруобуйа харыстабылыгар «Мобильные врачи» нэһилиэнньэни хотугу улуустарга миэстэтигэр тиийэн,сылга иккитэ, үрдүк таһымнаах медицинскай оборудованиянан уонна үрдүк таһымнаах быраастарынан кутталлаах, куһаҕан ыарыылары эрдэтинэ уонна кыра эрдэҕинэ булан-билэн эмтиир,сэрэтэр үлэни ыыталлара элбэх дьоҥҥо көмөлөспүт уонна көмөлөһүө турдаҕа. Хотугу улуустарга интернет ситимигэр холбонуу үлэтэ күүскэ, толору баран ити Сааскылаахтан эрийэн кэлбит Эрчимҥэ видеозвоногунан эрийэн кэпсэппиттэрэ үөрүүлээх. Ону таһынан «Зеленый рейс» хоту улуустарга 4 төгүл эбиллиэҕэ диэтэ.
Саамай күүтүүлээх сорук Өлүөнэ эбэккэбитин туоруур муостабыт саҥа биэс сыллааҕы былааҥҥа киирэн тутуута саҕаланан эрэрэ биһигини барыбытын үөрдэр. Ону таһынан эбии өссө 50 муоста атын өрүстэргэ уонна үрэхтэргэ тутуллаллара былааҥҥа баар эбит.
Хаарбах дьиэлэртэн көһөрүү федеральнай программа 2030 сылга диэри уһаан саҥа, тупсаҕай дьиэҕэ-уокка ыаллары көһөрүү салҕанарын эттэ. Өрөспүүбүлүкэбит инники сайдыыта кэлэр көлүөнэбититтэн, ол эбэтэр биһиги оҕолорбутуттан тутулуктаах, ол иһин хас биирдии оҕоҕо тус сыһыан, хас биирдии оҕо дьоҕурун арыйарга көмөлөһөргө уонна инники идэтин таларыгар үлэлэһиэххэ наада диэбит этиитэ астыннарда.
Дьолунан аатырбыт дьоллоох Дьоккуускай куораппыт сайдыытыгар, киэркэйиитигэр салҕыы быланнаах үлэ күөстүү оргуйара, сайдыы барара, олохтоохтор бары биир киһи курдук ыалдьытымсаҕын уонна үрдүк культууралааҕын көрдөрөн ахсыс төгүлүн ыытыллар «Азия оҕолорун» норуоттар икки ардыларынааҕы оонньууларын чиҥ бэлэмнээхтик уонна үрдүк таһымҥа ыытыллыаҕа диэн эрэлин биллэрдэ. Саха киинэтэ өссө үрдүк таһымҥа, өссө улахан аудиторияҕа тахсарыгар кинопавильон тутуллара саха киинэтин устууга саҥа тыын, саҥа иэйии киирэрэ чуолкай. Айсен Сергеевичка Сахабыт сиригэр эргиччи сайдыы,олохпут таһыма үрдүүрүн туһугар кыһамньылаах үлэтигэр ситиһиини баҕарабын.
Таатта улууһун Ытык күөл олохтооҕо, самозанятай Виктор Другин
