Бэҕэһээ Харбалаахпыт сыл түмүгүнэн бастыҥ үлэһит-үтүө дьонун эҕэрдэ киэһэтэ олус тэрээһиннээхтик ыытылынна.
Сааһыран олорон маанытык киэргэммит сценаҕа бииртэн-биир сэргэх үлэһит ыччаттарбыт эҕэрдэ сурук тута тахсалларын көрө олорон санаалыын сэргэхсийдим, үөрдүм. Бииртэн-биир үлэһит үтүөтэ буолбут ыччаттарбытынан киэн тутта долгуйдум.
-Тус проегынан нэһилиэкпит олоҕун сомоҕолуур «Дьиэ-кэргэн хаһыата»күрэс түмүгүн В.С.Кривошапкина биллэрэн сценаҕа Саҥа дьыллааҕы харыйа иннигэр эдэр ыаллар кэккэлээн тураллара киһи эрэ үөрэ долгуйар көстүүтэ! Элбэх оҕолоох ийэлэргэ нэһилиэк анал бэлиэтин туттарыы ньиргиччи ытыс тыаһынан доҕуһуолланна.
— Үрдүк таһымнаах эҕэрдэ үҥкүү, ырыалар
кыттааччылар ис-киирбэх кыраһыабай көрүҥнэрэ, таҥастара киһи көрө олоруон курдук үчүгэй. Талаан да баар ээ.
-Кырачаан баянистар оонньооһуннара! Оҕо-саад, оскуола коллективтара ырыанан эҕэрдэлэрэ!Биэчэри ыытааччылар истиҥ,сылаас тылынан суруллубут сценарыйдарынан биир тыынынан ыыттылар.
— Саҥа сыл маннык өрө көтөҕүллүүлээх дьоһун тэрээһининэн саҕаламмыта нэһилиэк олоҕор бу сылга бигэ-бөҕө, үтүө-кэрэ буолуу илдьитэ!
Махтал дьоро киэһэ геройдарыгар — Үлэһит дьоммутугар!
Сылаас, истиҥ тэрээһини иилиир, түмэр олохтоох дьаһалта коллективыгар махтал!
Изабелла Харлампьева, Харбалаах, Таатта