Бэҕэһээ, бэс ыйын 18 күнүгэр Саха сиригэр биир историяҕа хаалар күн буолла.
Дойду аҕа баһылыга Владимир Путин ыалдьыттаата. Куйаар ситимигэр 1993 сыл бэс ыйын 18 күнүгэр Россия бастакы президенэ Б.Н.Ельцин кэлбит хаартыската тарҕанна. Бу историяҕа хаалбыт хаартыска туһунан ахтан ааһар тоҕоостоох. Борис Ельцин П.А.Ойуунускай төрөөбүтэ 100 сылын көрсө Тааттаҕа, чуолаан Чөркөөх музейыгар кэлэр диэн эрдэттэн бэлэмнэнии үлэтэ барбыта.
Бу күн бэс ыйын 18 күнүгэр музей үрдүнэн вертолет намыһаҕынан көтөн Ытык Күөл диэки ааспыта. Манна «Мин ырыам ылланыа, мин аатым ааттаныа» диэн П.А.Ойуунускай төрөөбүтэ 100 сылын көрсө Тааттаҕа Үрүҥ Тунах ыһыахха ытык мааны ыалдыт быһыытынан кыттыыны ылбыта. Бу историческай сырыы түмүгэр аһаҕас халлаан анныгар Д.К.Сивцев-Суорун Омоллоон көҕүлээһининэн норуот күүһүнэн тутуллубут ханна да хатыламмат музей Саха Өрөспүүбүлүкэтин сэдэх паамытынньыктарын сэргэ Россия суолталаах ураты харыстанар культурнай нэһилиэстибэ обьектарын ахсааннарыгар киллэрэр Уураахха Б.Н.Ельцин илии баттаабыта.
Бу историческай түгэни үйэтитэн Ытык Күөлгэ Федор Охлопков аатынан сынньалаҥ пааркатыгар мэҥэ өйдөбүнньүк ол ыһыаҕы санатан туруоруллубута.
Изабелла Жерготова.