Кырдьаҕастан – сүбэтин, эдэртэн- эйэтин 72 сааспар Россияҕа саҥа IT стартап арыйдым Екатерина Лукачевская

Мин аатым Лукачевская Екатерина Егоровна, 72 саастаах пенсионеркабын. Бүгүн хаһыат нөҥүө 10-ча сылы быһа толкуйдаабыт толкуйбун үллэстиэхпин баҕарабын.

Оттон ол дьиэтээҕи  кыһалҕаттан тахсыбыта. Дьиэбитин хаачыстыбалаахтык  өрөмүөннээри матырыйаал булуутугар, ордук биһиги ирдэбилбитигэр эппиэттиир өҥөнү оҥорооччулары буларга олус элбэх бириэмэни, хос-хос көтүрүүнү, онтон да элбэх күчүмэҕэйдэри  көрсүбүт буоламмыт хайдах гыннахха дьоҥҥо табыгастаах буолуон сөбүй диэн толкуй үүйэ-хаайа туппута. Бу кэмҥэ уолум Егор Москваҕа улахан бааҥҥа үлэлиир кэмэ этэ. Ыччаттар аныгы технологияны биһигиннээҕэр билэллэрэ таһыччы, онон 2022 сыл сэтинньитигэр уолбун көмөлөһүннэрэн , саҥа бириэмэ ирдэбилигэр сөп түбэһиннэрэн оҥоруохха сөп эбит диэн этии киллэрбитим, үлэбитин саҕалаабыппыт.

Бырайыакпыт аата «OneSelfJob» (ааҕыллара «Уансэлфджоб», сахалыы тылбааьа – Бэйэҥ бэйэҕэр үлэлээ). OneSelfJob – Россияҕа  саҥа социальнай ситим, эдэр кэскиллээх стартап буолар.

Сүрүн соруга — араас өҥөнү толорооччулары, урбаанньыттары уонна кинилэр өҥөлерунэн туһанааччылары, араас атыылаһааччылары биир сиргэ мунньуу, урбааны салайыы судургу уонна табыгастаах буолуон сөбун дакаастааһын.

Сурун сыала — дьоҥҥо үтүөнү аҕалыы, аныгы уйэни кытары тэҥҥэ сайдыы, хас биирдии киһи бэйэтэ сөбүлээн дьарыктанар дьарыгын сайыннарарыгар, кэҥэтэригэр күүс-көмө буолуу.

Тоҕо омуктуу ааттаммытын быһаардахха, мин санаабар, бырайыакпыт хайа баҕарар дойду дьонугар барыларыгар барсар, ол иһин улахан сурун сыалбыт – аан дойду урдунэн тарҕатыы.

Бырайыакпыт эһиэхэ туох туһаны, көмөну аҕалыан сөбуй, кимиэхэ барсарый?

Хас биирдии киһиэхэ, улахан да куорат уонна кыра да дэриэбинэ олохтоохторугар сөп түбэһэр. Биһигини кытта элбэх агрегатордары, социальнай ситимнэри уонна араас быһа холбонуулары туһанар наадата суох буолар.

Уонна, саамай кылаабынайа, итиннэ бэйэ сайтын сайыннарар наадата суох, эьиги страницаҕыт — бэйэҕит бэлэм сайткыт буолар.

Дьон киирэн истэҕин аайы араас норуот маастардара, өрөмүөн онорооччулар, иистэнньэҥнэр, торт астааччылар уонна бары да урбаанньыттар абыраныа этилэр дии саныыбын.

Биһиэхэ хас биирдии туһанааччы тус бэйэтин брендин сайыннарар, бэйэтин эйгэтигэр эксперт быһыытынан бөҕөргүур, дьоҕурун уонна сатабылын көметунэн харчыланар, бэйэтин өҥөтүгэр куруук туһанааччылары булар, дохуот таһымын үрдэтэр кыахтанар.

Туһалаах контенынан үллэстэн, араас постары бэчээккэ таһааран, кэнэҕэски клиеннэр ортолоругар тугунан дьарыктанаргытын, тугу сатыыргытын кэпсээн бэйэҕит көстүүгутүн урдэтиэххитин сөп.

Биһигинниин ити барыта быдан түргэн уонна судургу буолуо!

Аныгы кэмҥэ дьон дьиэҕэ олорон улэлиир-үөрэнэр буоллулар. Офиска дылы айаҥҥа бириэмэни, харчыны бараабат буолан иһиилэрэ өссө кэҥиэҕэ, улаатыаҕа . Онно маннык платформа  көмөтө улахан буолуоҕа. Биһиги Сахабыт сирэ наьаа киэҥ, улуустар икки ардылара олус ыраах. Хас биирдии улуус аайы араас дьоҕурдаах дьон бааллар.Кинилэр  манна киирэн бэйэлэрин улэлэрин көрдөрөн, атыылаан  дьоҥҥо туһаны оҥоруохтара .

Биир киһи холуодьас хастаҕына, тыһыынчанан киьи уу иһэрин курдук.   Саха киьитэ тыйыс айылҕаҕа олорор буолан сэрэйэр, толкуйдуур дьоҕура да, өйө да  омуктартан букатын ураты, ол иһин барыга бары дьоҕурдаахтар, Саха сатаабатаҕа  диэн суох.

  • Керер-истэр дьон ахсаанын кэҥэтэн эһиги бородууксуйаҕытын эбэтэр өҥөҕутун сэргиир, интэриэһиргиир дьону элбэтэр, саҥа клиеннэри булар кыахтааххыт.
  • Табааргытын эбэтэр өҥөлөргүтун таһаарыылаахтык рекламалаан дьарыккыт киэҥ эйгэҕэ биллэрин ситиһиэххитин сөп.
  • Табыгастаах инструменнар көмөлөрүнэн туһанааччылары кытары быһаччы сибээстэһэр, кинилэр боппуруостарыгар эппиэттиир, наадыйыыларын булан биэрэр, саҥа бородуукта эбэтэр өҥө туһунан сырдатан биэрэр, төттөрү сибээһи уонна хаачыстыбаны тупсарар кыахтааххыт. Туһанааччы уонна толорооччу икки ардыларыгар сибээһи хааччахтааһын суох.
  • Туһанааччылар быһыыларын көрөн-истэн, төттөрү сибээһи чинчийэн үөрэтэн, тугу ордороллорун, сэнээрэллэрин кэтээн керен конкуреннары анализтааһыҥҥа уонна сурун быһаарыныылары ылыныыга туһаныаххытын сөп.
  • Партнерскай сыһыаны уонна атын урбаанньыттары кытта бииргэ үлэлээһини олохтоон хардарыта сыһыаны сайыннарыаххытын уонна инники үүнэр кыаххытын кэҥэтиэххитин сөп.

Бэйэ дьыалатын сайыннарар сыала суох буоллаххытына атын туһанааччылары ааҕыаххытын, билсиьиэххитин, сыанабылгытын хаалларыаххытын, өҥөнү оҥорооччулары тобулуоххутун, ханнык баҕарар тус уонна араас улэ соруктарын быһаарыаххытын сөп. Бу барыта туох да эбии төлөбүрэ, эҥин-араас быһа холбонуута суох биир сиргэ баар!

 Урбаанньыттарга анаммыт инструменнар туһунан кылгастык кэпсиэм:

«Халандаар». Ханнык баҕарар туһанааччы халандааргытын арыйан өҥөҕүт биэрэпиһин кытта бэйэтэ билсиэн, сэргээбит өҥөтугэр суруттарыан сөп. Эһиги ыйыллыбыт кэмҥэ туһанааччы суругун бигэргэтэргит уонна ылынаргыт эрэ хаалар.

Сөпкө настройкаламмыт халандаар эһиги өҥөҕүтүн судургу уонна табыгастаах гынар, ханнык баҕарар атыылааһыны улаатыннарыан, үрдүк дохуоттаах оҥоруон сөптөөх.

Халандаар табыгаһа:

* Туһанааччыларга бэриллэр өҥөлөр испииһэктэрин, сыанатын, уһунун, бириэмэтин көрдөрөҕүн.

* Наада буоллаҕына эрдэттэн төлөһө сатыыбыт.

* Мин дьарыгым — мин дьыалам: суруттарарга көҥүл күннэри, үлэ-хамнас режимин бэйэн талаҕын.

* Ханнык кэмҥэ суруйуубут тахсарын бэйэбит быьаарабыт.

«Маҕаһыын».  Туһанааччы табаар ассортименын бэйэтэ үөрэтэн, сакаас оҥорор кыахтанар. Итиниэхэ табаар туһунан иһитиннэриини толоруохха, сыанатын суруйуохха, киирбит сакаастары кэмигэр оҥорон таһаарыахха наада.

Маҕаһыын табыгаьа:

* Туһанааччыга табаар уонна кинилэр сыаналарын испииһэктэрин, рейтинын уонна сыанабылын сүнньүнэн үөрэтэргэ кыаҕы биэрэр.

* Саамай элбэх уонна элбэх табаары настройкалыахха сөп

* Табаары кытта тутатына ханнык баҕарар эбии опцияны уонна өҥөнү эбиэхпитин сеп диэн этии киллэриэххэ сеп (араас ене, размера, дьиэҕэ дылы тиэрдэн биэрии сыаната, о.д.а.).

* Ханнык кэмҥэ суруйуубут тахсарын бэйэбит быһаарабыт.

«Мин бизнеһим». Сакаастары түргэнник салайыыга уонна тутаах көрдөрүүлэри түргэнник ырытан көруугэ ананан тэриллибит вкладка.

Мин бизнеһим табыгаьа:

Сакаастарбыт статустарын судургутук салайабыт.

Сакаасчыттарга чааһынай суруйуу ыытарга табыгастаах.

Сакаастарбытын көрүҥүнэн, кунунэн-ыйынан ырытыахха сеп.

Статистиканы түргэнник көрөбүт: төһө табаар атыыламмыта, хас өҥө оҥоһуллубута, рейтинг, киирбит харчы сууммата, саамай тарҕаммыт табаар, о.д.а.

Бу курдук кэпсээммин тумуктуехпун баҕарабын, өскөтүн сэҥээрбит буоллаххытына сана ситимҥэ киирэн холбонуҥ, туох да төлеөбүр да, VPN да ирдэммэт, электроннай пуочта уонна төлөпүөн нүөмэрэ эрэ наада. Аадырыьа: https://oneselfjob.com/

Сайт аллараа хаҥас өттүгэр «Помощь» диэн вкладка баар, онно сайт саҥа туһанааччыларыгар анаан көмөлөһөр, өйдөтөр аналлаах 12 видео-уруоктары устубуппут. Видеоларбыт темалара:

  1. Авторизация. Бу видеоҕа хайдах дөбөҥнук уонна судургутук регистрацияны ааһыахха сөбун көрдөрөбүт.
  2. Главная страница. Манна биһиги «Сана ыстатыйалары», «Сана нэдиэлэҕэ элбэхтэ ааҕыллыбыт ыстатыйалары» уонна «Сыанабыллары» ханна көрүөххэ себун туһунан кэпсиибит.
  3. Личный кабинет пользователя. Манна бэйэбит тус кабинеппытын хайдах редакциялыырбытын: хайдах ааты, никнеймы, локацияны уларытары, ханна бэйэң туһунан кылгас кэпсээни суруйары көрдөрөбүт.
  4. Как сделать публикацию. Бэйэбит тус ыстатыйабытын хайдах таһаарабыт? Тахсыбыт ыстатыйабытын хайдах уларытабыт? Ханнык куҥҥэ, хас чааска ыстатыйа тахсарын хайдах быһаарабыт? Чугас дьоммутугар тахсыбыт ыстатыйаны көрдөрөөрү хайдах ссылка ыытабыт? «Сурутуу» вкладката хайдах үлэлиирий? Бу ыйытыктарга эппиэттэр бары бу видеоҕа бааллар.
  5. Настройки профиля. Манна биһиги бу кнопка көмөтунэн тугу уларытыахха сөбун көрдөрөбут: хаартыска эбэбит эбэтэр уларытабыт, геолокация туруорабыт, электроннай почта уонна телефон нүөмэрин эбэбит. Ханна пароль уларытарбыт, вкладкаларбытын эбэрбит, ааттарын хайдах уларытарбыт уонна вкладкаларбыт хайдах уочараттаах көстөллөрун быһаарарбыт эмиэ манна баар.
  6. Рейтинг и отзывы. Бу видеоҕа рейтинг хайдах ааҕылларын кэпсиибит, ону тэҥэ сыанабылы хайдах хаалларыахха сөбүн өйдөтөбут.
  7. Каталог, поиск, карта, уведомления. Сөптөөх өҥөнү тутаах тылларынан буларга каталогынан туһаныахха сөп. Рейтининэн эбэтэр сыанабылынан наадыйар өҥөбут испииһэктэрин керебут. Тутаах тылларынан көрдөөһүн строкатын туһаныахпытын сөп, оччоҕо ис хоһоонунан киллэриллибит ыйытыыга сөп түбэһэр дьон испииһэгин, постарын, вкладкаларын уонна табаары оҥорооччуларын испииһэгин ылабыт. Өссө картаҕа ханнык толорооччу биһигиттэн төһө чугаһын көрөн олоруохпутун сөп. Бу туһунан сиһилии видеоҕа кэпсиибит.

 

Киирэн керүҥ, туттуҥ уонна тускутугар туһаныҥ!

Биһиги сайтпыт: https://oneselfjob.com/

Ютубка ханаалбыт: https://www.youtube.com/@OneSelfjob

Телеграмҥа ханаалбыт: https://t.me/OneSelfjob

Инстаграмҥа страницабыт: https://instagram.com/oneselfjob

ВКонтакте страницабыт: https://vk.com/oneselfjob

Дьиэ кэргэн сылыгар оҕолоргутун, сиэннэргитин кытта олоххо тэҥҥэ хардыылааҥ. Сааһырдыбыт диэн ыһыктынан олорумаҥ, киһи төһөнөн хамсатар күүстээх да, соччонон олоххо тардыһыылаах буолар, ытык саас көрүҥэр бэринимиэн сөп. Барыгытыгар этэҥҥэ буолууну, чөл туругу баҕарабын.