Ахсынньы 14 күнүгэр Олоҥхо декдатын чэрчитинэн СӨ “Олоҥхо ассоциацията” уопсастыбаннай тэрилтэ, Чурапчы улууһун үөрэҕириитин салалтата, С.К. Макаров аатынан Чурапчы гимназията тэрийиилэринэн үүнэр көлүөнэни сиэр-майгы өттүнэн иитэр сыаллаах “ОЛОҤХО ПЕДАГОГИКАТЫГАР – СЭДИП ТЕХНОЛОГИЯТА” өрөспүүбүлүкэтээҕи форум үрдүк таһымнаахтык ыытылынна.
Киэҥ хайысхалаах форумҥа Таатта улууһуттан «Күн туллуктара» уһуйаан «СЭДИП уонна IT-технология» конкурска «Кылаан чыпчаал» үрдүк аатын сүктэ.
Баай үөрүйэхтээх педагогтар IT технологияны туһанан, олоҥхону билиһиннэрэр араас үлэлэрин: ойуулуктары, интерактивнай хартыыналары, виртуальнай эйгэни үөскэтэр, Брайль шрибтээх кинигэлэри, олоҥхо сюжетынан оҥоһуллубут оонньуулары, «Туллук — олоҥхо» диэн сыһыарыыга куйаар ситимигэр баар «Туллук» электроннай үөрэх ресурсугар киирбит үлэ уопуттарынан кытыннылар, маастар -кылаастары көрдөрдүлэр.
IТ-технологияҕа айымньылаахтык үлэлиир педагогтар ситиһиилэрэ өссө үрдүү турдун!
Светлана Расторгуева.