Бүгүн, атырдьах ыйын 25 күнүгэр Таатта улууһугар Арассыыйаҕа Аҕа дойдуну көмүскүүр байыастар дьиэ кэргэттэрин эрэгийиэннээҕи кэмитиэтин салайааччыта Светлана Диодорова-Лаврентьева улуустан барбыт байыаннай дьайыы кыттыылаахтарын кэргэттэрин, ийэлэрин, аҕаларын кытары көрүстэ.
Байыастарбыт дьоно-сэргэтэ бэрт холкутук олорон бэйэлэрин санааларын, этиилэрин, мунаарар боппуруостарын биэрдилэр, хоруй ыллылар.
Светлана Владимировна: «Бары биир санаанан салайтаран сомоҕолоһуохпутун, ыһыктымыахпытын, уоскуйуохпутун наада. Бэйэ-бэйэҕэ харыстабыллаахтык сыһыаннаһарга, күүстээх санаалаах буоларга ыҥырабын, сүбэлиибин», диэтэ.
Елена Слепцова.