Таатта нэһилиэгэ олохтоох көҕүлээһиннэри өйүүр бырагыраама (ППМИ) чэрчитинэн алтынньы 7 күнүгэр, кэлэр 2025 сылга бырагыраамаҕа кыттыһарга анаан сүбэ мунньах ыыттылар.
Олохтоох көҕүлээһиннэри өйүүр бырагыраама нэһилиэктэр сайдалларыгар улахан көдьүүстээх. Онно улуус уонна нэһилиэк дьаһалталара, олохтоохтор бырагырааманы өйөөн, утары баран сылтан сыл аайы саҥа тутуулар эбиллэн иһэллэр.
Олохтоох көҕүлээһиннэри өйүүр бырагыраамаҕа улуус дьаһалтата икки бырайыагын, олохтоох дьаһалта үс бырайыагы киллэрбиттэрин Тааттыныскай нэһилиэк баһылыга Егор Павлов сырдатта.
Улуус дьаһалтата МАУ «ТОУ» дириэктэрэ К.Ю.Сидоров уу таһар массыына буолаары турар «Манчаары оонньууларыгар» уонна Ытык Күөлгэ элбэх саҥа тутуу барбытынан салҕыы нэһилиэнньэҕэ улахан көмө буоларын этэн туран, массыына атыылаһарга, улуус дьаһалтатын сүрүн исписэлииһэ М.Н.Бехтюева кытаанах коммунальнай бөҕү (ТКО) контейнердары элбэтиигэ, санитарнай ирдэбилгэ уонна тупсаран оҥорууга бырайыактардары билиһиннэрдилэр.
Олохтоох дьаһалта Ытык Күөлгэ даача муостатын өрөмүөннээһинигэр, Наммара уулуссаҕа дьон хаамар тротуарын уонна уулуссаны сырдатыыга, сквердэри уонна Бояров, Макаров уулуссаларын уотун тупсарыыга бырайыактары иһитиннэрдилэр.
Олохтоохтор олоххо-дьаһахха көдьүүстээх бырайыактарын көҕүлээһиннэри өйүүр хардарыта үбүлээһин бырагырааманы истэн, ырытыһан баран биир санаанан өйөөтүлэр. Маннык бырагыраама баар буолан, олохтоохтор бэйэлэрэ тупсарыллар эбийиэктэри талаллар.
Елена Слепцова.