Бүгүн Харбалаахтааҕы үөрэхтээһин холбоһугар үөрүүлээх күн тосхойдо. «Үөрэхтээһин» национальнай бырайыак сүнньүнэн «Сайдыы төрдө»- «Точка роста» 4 кабинета үөрүүлээх быһыыга арылынна. Физика, биология, химия, информатика кабинеттарыгар оҕолор эбии дьарыктанан, сайдар суолларыгар олук уурулунна.
Быйыл оскуоланы бүтэрбит 8 үөрэнээччибит барыта сөбүлүүр идэлэригэр үөрэххэ киирдилэр. Математика, нуучча тылын ЕГЭ-лэрин 11 кылаастарбыт үрдүк баалга туттарбыттара. Бу уопуттаах учууталлар Бястинова Ирина Романовна, Григорьева Ксения Владимировна утумнаах үлэлэрин үтүө түмүгэ буолар.
Дириэктэр Анна Васильевна Мосоркина үөрэнэр, үлэлиир усулуобуйа баар буоларын туһугар кэскиллээхтик үлэлиир. Быйыл маҥнайгы кылааска 16 үөрэнээччи киирдэ. Кинилэри иккис сылын үлэлиир эдэркээн, кэскиллээх учуутал Кристина Игнатьевна Старостина үөрэтэр.
Быйыл оскуоланы бүтэриэхтээх 11 кылаастарбыт ааспыт үөрэх дьылыгар волонтерскай, тимуровскай, военно-патриотическай хайысхаларга, Ытык сирдэр бырайыак сүнньүнэн үгүс үлэни ыытаннар, “Золотой фонд Российского образования” бүтүн Россиятааҕы конкурска кыттыннылар. Кинилэри салайар саха тылын учуутала, Трофимова Варвара Павловна. Кинилэргэ анал Диплом, кубок кэллэ.
Сотору кэминэн лицей өттүгэр икки толору сэбилэниилээх мастерской аһыллыахтаах. Онон үөрэх-сайдыы суолугар тэҥҥэ үктэһэр усулуобуйа тэриллэриттэн үөрэбит!
8 кылаас үөрэнэнээччитэ Таисия Андреева, учуутал Валентина Кривошапкина.