Уолбаҕа Россияҕа Аҕа дойдуну көмүскээччилэр, Саха сиригэр Ийэ дойдуну көмүскээччилэр, Тааттаҕа Кыайыы сылын арыйыы күнэ үөрүүлээхтик ыытылынна.
Оскуола оҕолоро, уһуйаан иитиллээччилэрэ ырыалаах стройунан хаамыыга күрэхтэстилэр. Кыайыылааҕынан «Аартык» бөлөх таҕыста. Юнармия оҕолоро Сыл 3 бэлиэтин үөрүүлээхтик таһаарыыга кытыннылар. Алын кылаас оҕолоро уонна нэһилиэк олохтоохторун кытта оскуолатааҕы театр үөрэнээччилэрэ дьүһүйүү көрдөрдүлэр. Байыаннай техника макетын оҥорууга 5 кылаас үөрэнээччитэ Айтал Софронов кыайыылаах таҕыста.
Үөрүүлээх чаас кэннэ нэһилиэк ветераннарын сүбэтэ эр дьоҥҥо волейболга уонна корнхоллга күрэхтэһии тэрийдилэр. Бырааһынньык нэһилиэк кэрэ анардарынан тэриллибит маанылаах остуолунан түмүктэннэ.
А.П.Боппосова.