Таатта улууһугар бүгүн ураты өйдөбүллээх бэлиэ күн буолла.
Кыайыы знамятын сэргэ аны Мурманскай курдук ыраах сиртэн Черскэйгэ умуллубат уот төлөнүн илдьэ иһэр 6 улахан техникалаах, 40-тан тахса киһилээх «Куттала суох Арктика — 2025» бүтүн Арассыыйатааҕы экспедиция Таатта улууһун бу долгутуулаах тэрээһиннэригэр сылдьан кыттыыны ыллылар. Кинилэр улуус киинин оскуолаларыгар сылдьан эр санааланыы уруоктарын ыыттылар.
Д.А.Петров пааматынньыгар оҕолоро, улуус салайааччылара, ыччат бэрэстэбиитэллэрэ сибэкки дьөрбөтүн уурдулар, умуллубат уот иннигэр сүгүрүйэн венок тэлгэттилэр.
Манна кыракый детсад оҕолоруттан саҕалаан үүнэр көлүөнэ ыччаппыт тыл эппит дьон хас биирдии тылларын болҕойон, ураты суолта ууран иһиттилэр.