Ыам ыйын 2 күнүгэр «Таатта улууһа» МО дьаһалтатын актовай саалатыгар улуус администрациятын, тэрилтэ салайааччыларын, үлэнэн хааччыйааччылар холбоһуктарын уонна профсоюзтары кытары 2024-2026 сылларга үлэ, социальнай сыһыаннаһыылары сүрүннүүр сөбүлэҥ түһэрилиннэ.
Тэрээһиҥҥэ улуус администрациятын үлэһиттэрэ, тэрилтэ салайааччылара, профсоюз бэрэссэдээтэллэрэ кыттыыны ыллылар.
Улуус баһылыга А.С. Бурцев, үлэ биэрээччилэртэн Таатта улууһун үөрэҕирии салалтатын начальнига И.И. Дягилев, профсоюзтартан Таатта улууһун профсоюзтарын координационнай сэбиэтин бэрэссэдээтэлэ П.В. Борисов сөбүлэҥҥэ илии баттастылар.
Үөрүүлээх түгэҥҥэ улуус баһылыга Айаал Семенович Бурцев Таатта улууһун тыатын хаһаайыстыбатын идэлээх сойууһун бэрэссэдээтэлэ Ирина Ивановна Даниловаҕа СӨ Үлэ уонна социальнай сайдыы министиэристибэтин Бочуоттаах грамотатын туттарда.
П.В. Борисов, Таатта улууһун профсоюзтарын координационнай сэбиэтин бэрэссэдээтэлэ.