Эһигини кэлэн иһэр Саҥа дьылынан ис сүрэхпиттэн эҕэрдэлиибин!
«Үлэ сылын” чиэстээхтик түмүктүүр, өрөспүүбүлүкэбит Баһылыга Айсен Сергеевич Николаев биллэрбит “Оҕо саас сылыгар” үктэнэр үтүө кэммит тосхойдо.
Ааһан эрэр сыл төһө даҕаны судургута суох буоллар, күүрүүлээхтик, дьаныардаахтык, түмсүүлээхтик үлэлээн-хамсаан сылы түмүктүүрбүтүттэн үөрэбин уонна эһиэхэ буолан ааспыт Ил Түмэн быыбарыгар миигтин өйөөбүккүтүгэр, талбыккытыгар, итэҕэлгитин иккис төгүллээн биллэрбиккитигэр өссө төгүл махтанабын.
Үүнэр 2024 сыл хайдах түмүктэрдээх буолара эмиэ хас биирдиибититтэн, дойдубут, өрөспүүбүлүкэбит, улууспут чэчирии сайдарын туһугар кыһамньыбытыттан, кэскили түстүүр сыралаах үлэбититтэн тутулуктаах.
Саҥа дьыл эһиги олоххутугар саҥа үтүө сүүрээннэри, кынаттыыр кыайыылары, үгүс ситиһиини, баҕа санааларгыт туолуутун, кэрэ-бэлиэ түгэннэри бэлэхтээтин, сылааһынан илгийдин!
Баҕарабын эһиэхэ чэгиэн-эбдик туругу, табыллыыны, дьиэ кэргэҥҥитигэр дьолу-соргуну!
АУо «Саханефтегазсбыт» генеральнай дириэктэрэ, Саха Өрөспүүбүлүкэтин бар дьонун дьокутаата
Виктор Лебедев.