Бүгүн Ытык Күөлгэ Механизатордар сквердэригэр чемпион-суоппар Протопопов Иван Семенович сырдык аатыгар аналлаах скамейка арыллыытын тэрээһинэ буолан ааста.
Иван Семенович ПРОТОПОПОВ – Алексеевскай оройуон суоппардарын сэттэ төгүллэээх чемпиона, Саха АССР илин эҥэр улуустарын суоппардарын социалистическай күрэхтэрин икки төгүллээх чемпиона, Саха АССР «Госкомсельхозтехника» систиэмэтин икки төгүллээх чемпиона, Саха Өрөспүүбүлүкэтин автомобильнай транспорын бочуоттаах үлэһитэ, Саха Өрөспүүбүлүкэтин транспорын үтүөлээх үлэһитэ, Саха Өрөспүүбүлүкэтин бочуоттаах дальнобойщига.
Иван Семенович сыралаах үлэтин НАҔАРААДАЛАРА: “Мастер – умелец” ЦК ВЛКСМ бэлиэ, ССРС Президиумун Үрдүкү Сэбиэтин «За трудовое отличие» мэтээл, “Таатта улууһун автомобильнай транспорын сайдыытыгар кылаатын иһин” муниципальнай бэлиэ, “Таатта улууһун сайдыытыгар кылаатын иһин” муниципальнай бэлиэ, «Почетный старейшина Республики Саха (Якутия)» бэлиэ, «Почетному ветерану труда» мэтээл .
Бу күн Иван Семенович дьиэ кэргэнэ, бииргэ төрөөбүттэрэ, чугас дьоно, нэһилиэк салалтата, бииргэ үлэлээбит, алтыспыт доҕотторо түмсэн, кини олорон ааспыт олоҕун, сыралаах үлэтин истиҥ-иһирэх тылынан ахтан-санаан аастылар. Протопоповтар дьиэ кэргэн аҕаларын үтүө аатын үйэтитэн туруорбут Механизатордар сквердэригэр бастакы ыскамыайка инникитин үтүө бачыым буолан, үлэһит дьон аатын ааттатар хамсааһын салҕанан бара туруо диэн эрэллээхтэр.
Галина ПОЛУСКИНА.