Алтынньы 26 күнүгэр Таатта улууһун, Н.Д.Неустроев аатынан Уус-Таатта орто оскуолатын үөрэнээччилэрэ нэһилиэк арҕаа өттүгэр баар Таммалаах диэн сиргэ сылдьан, улахан муҥхаҕа кыттыыны ыллыбыт.
Сыл аайы үлэ ветерана Николай Николаевич Неустроев бэйэтигэр баар муҥхатынан биһигини үөрэтэ-такайа сылдьар үтүө үгэстээх. Бу сырыыга эмиэ элбэх оҕолоох ыал аҕата, эһэтэ Федот Федотович Лукин наадалаах техниканы булан, айан-көлө боппуруоһун быһааран, тэрийэн, оскуола уолаттарын муҥхаҕа илдьэ барда.
Күн-дьыл туруга туран биэрэн, погода сылаас, ичигэс буолан, тоҥмокко-хаппакка сэргэхтик сырыттыбыт. Муҥхаһыттар икки туона тухары чардаат алларан, кынакка туран , көмөлөөн үлэлээн, күөлтэн лаппа бөдөҥ соболору таһаардыбыт.
Кылаас , оскуола оҕолорун аатыттан муҥхалаах Николай Николаевич Неустроевка, тэрийэн илдьибит Федот Федотович Лукиҥҥа уонна суоппардарбытыгар Иван Иванович Баишевка, Алексей Харитонович Постниковка, Айдар Новомирович Неустроевка ис сүрэхтэн махтанабыт. Хас биирдии муҥха кыттыылааҕа куул аҥардыыта бөдөҥ соболоох кэлэн, чугас дьоммут, тереппуттэрбит наьаа уердулэр.
Бу курдук, Уус-Таатта орто оскуолатын үөрэнээччилэрэ күһүҥҥү сынньалаҥмытын туһалаахтык саҕалаатыбыт.
Анжей Жариков, Эдик Неустроев, 8-с кылаас үөрэнээччилэрэ, Н.Д.Неустроев аатынан Уус- Таатта орто оскуолата, Таатта улууһа.