КАНАЕВА ЛИЗА, ЭЛЛЭЙ ААТЫНАН ЧЫЧЫМАХ ОРТО ОСКУОЛАТЫН ВЫУСКНИЦАТА
Людмила Васильевна, Павел Николаевич Канаевтар дьиэ- кэргэн мааны кыыстара. Лиза бастакы кылаастан наар туйгун сыана5а уерэнэр. Бары предметтэргэ кыЬаллан, ол эрэн ордук математика, обществознание, экология предметтэригэр себулээн, диринэтэн уерэннэ. Кыра сылдьан уруЬуй кылааЬыгар себулээн дьарыктаммыта. Легкай атлетика, шахмат секцияларыгар утумнаахтык дьарыктанан элбэх курэхтэЬиилэргэ оскуола чиэЬин ситиЬиилээхтик кемускээбитэ. Лиза «Дьэргэлгэн» ункуу уонна «Татыйык» фольклор беле5ер дьарыктанан Всероссийскай, международнай конкурстар лауреаттара, дипломаннара. Улуустаа5ы математика, экономика, саха тылын олимпиадаларын призера. Орто суЬуех кылаастартан Лиза научнай – чинчийэр улэнэн ситиЬиилээхтик дьарыктанан Саха республикатын «Ленский край» наукалар академияларын дьиннээх чилиэнэ буолла ууннэ. Менделеев аатынан конкурс, «Национальное достояние России», Ларионов, Сафронов, Чугунов аатынан Бутун Россиятаа5ы конференциялар дипломаннара, «Инникигэ хардыы» конференция хас да тегуллээх призера. Лиза научнай улэтэ элбэх сборниктарга бэчээттэнэн тахсан уйэтилиннэ. Лиза ситиЬиитэ ураты дьо5урдаах о5олор Бутун Россиятаа5ы ГИР базатыгар киирбитэ. Лиза улахан кылаастарга икки сыл оскуола Президенынан талыллан улэлээтэ. Активист, экологическай хамсааЬыны тэрийээччи, Движение первых о5о тэрилтэтин лидера буола ууннэ. Манчаары оонньууларын волонтера. Сахалинна ыытыллыбыт Бутун Россиятаа5ы эдэр юннаттар форумнарыгар Саха сирин делегата. 11 кылааска Артек лаа5ырга сынньанна, Ил Дархан сана дьыллаа5ы харыйатын кыттыылаа5а, Ил Дархан стипендиата. 2026 сылга оскуола С.Р. Кулачиков – Эллэй аатынан премиятын лауреата.
КОМИССАРОВА ЧЭМЭЛИИНЭ, ЭЛЛЭЙ ААТЫНАН ЧЫЧЫМАХ ОРТО ОСКУОЛАТЫН ВЫУСКНИЦАТА
Айталина Григорьевна, Манчаары Гаврильевич Комиссаровтар дьиэ- кэргэн кыра мааны кыыстара. Чэмэлиинэ бастакы кылаастан наар туйгун сыана5а уерэнэр. Ордук математика, английскай тыл, биология предметтэригэр себулээн, диринэтэн уерэннэ. Айар дьо5урдаах Чэмэлиинэ кыра кылаастартан уруЬуй кылааьыгар уерэнэн элбэх выставкаларга, проектарга урдук ситиЬиилээхтик кыттыбыта. Улуустаа5ы «Молодые Профессионалы» чемпионаттарга, илиинэн оноЬуктарынан уус – уран выставкаларга ситиЬиилээхтик кытынна. Шахмат, о5унан ытыы секцияларыгар себулээн дьарыктанан угус курэхтэЬиилэргэ, турнирдарга оскуола чиэЬин ситиЬиилээхтик кемускээтэ. Чэмэлиинэ «Дьэргэлгэн» ункуу уонна «Татыйык» фольклор беле5ун састаабыгар Всероссийскай, международнай конкурстар лауреаттара, дипломаннара. Улуустаа5ы математика, технология, английскай тыл, нуучча тылын олимпиадаларын призера. Чэмэлиинэ научнай – чинчийэр улэнэн утумнаахтык дьарыктанан Саха республикатын «Ленский край» наукалар академияларын член-корреспондена буолла ууннэ. Менделеев аатынан конкурс, «Национальное достояние России», Ларионов, Сафронов, Чугунов аатынан Бутун Россиятаа5ы конференциялар дипломаннара, «Инникигэ хардыы» улуустаа5ы конференция лауреата, призера. Чэмэлиинэ научнай улэтэ элбэх сборниктарга бэчээттэнэн тахсыбыта. Быйыл оскуола командатын састаабыгар киирэн Бутун Россиятаа5ы форумна Саха сирин аатыттан кытынна. Оскуола экологическай бырайыага «Лучший цифровой проект» номинация кыайыылаа5ынан буолбута. Чэмэлиинэ наука5а ситиЬиитэ ураты дьо5урдаах о5олор Бутун россиятаа5ы ГИР базатыгар киирбитэ. 2025 сылга Чэмэлиинэ – Таатта улууЬун Туйаарыма Куота. Манчаары оонньууларын волонтера. Ону таЬынан Чэмэлиинэ номнуо массыынаны ыытар бырааптаах автоледи. Чэмэлиинэ оскуола о5о экологическай тэрилтэтин салайааччыта, «Движение первых» о5о тэрилтэтин активистката. 2025 сылга оскуола С.Р. Кулачиков – Эллэй аатынан премиятын лауреата. 11 кылааска Улуус А5а баЬылыгын сана дьыллаа5ы харыйатын кыттыылаа5а, стипендиата.
ХОЮТАНОВА НАРИЯ Г.Д. БЯСТИНОВ ААТЫНАН ЧЫМЫНААЙЫ ОРТО ОСКУОЛАТЫН ВЫПУСКНИЦАТА
-2023 с. Норуоттар икки ардыларынааҕы “Наука объединяет” симпозиумҥа 1-гы ист. дипломант.
-2024 с. “Новатор” норуоттар икки ардыларынааҕы НПК 1-гы ист. лауреат.
-2024 с. Уус- уран оҥоһуктарга норуоттар икки ардыларынааҕы куонкуруска Гран При.
-2025 с. Өрөспүүбүлүкэтээҕи А.Е. Мординов ааҕыыларыгар “Тыл үөрэҕэ” түһүлгэтигэр Муҥутуур кыайыылаах.
-Өрөспүүбүлүкэтээҕи «Профессионалы-2025» чемпионат алын сүһүөх оҕолорун үөрэтии компетенцияҕа муҥутуур кыайыылаах.
-2025 с. “Барҕарыы” II өрөспүүбүлүкэтээҕи конференция Кылаан Кыайыылааҕа.
ТРОФИМОВ ВАСИЛИЙ, «ХАРБАЛААХТААҔЫ ҮӨРЭХТЭЭҺИН ХОЛБУҺУГУН» ВЫПУСКНИГА
-Улуустааҕы обществознание олимпиадатыгар призер.
— Улуустааҕы география олимпиадатыгар кыайыылаах.
— Өрөспүүбүлэкэтээҕи география олимпиада кыттыылааҕа.
— Улуустааҕы история, право олимпиада кыттыылааҕа.
— Улуустааҕы «Будущий дипломат» күрэххэ призер.
— Түмсүү «Төлкө төрдө» нэһилиэктэр икки ардыларыгар ыытыллыбыт фестивальга 2 миэстэлээх.
-Улуустааҕы брейн-ринг «Знатоки права» оонньуутугар 3 миэстэлээх.
— Улуустааҕы оскуолалар икки ардыларыгар шахмат күрэҕэр 3 миэстэлээх.
— 2025-2026 үөрэх дьылыгар Яковлева Екатерина Максимовна стипендиятын ылбыта.
— 2025-2026 үөрэх дьылыгар Мординов Трофим Егорович стипендиятын ылбыта.
— 2025-2026 үөрэх дьылыгар Чемезов Эдуард Петрович стипендиятын ылбыта.
ДАЙААНА БОЯРОВА А.Е.МОРДИНОВ ААТЫНАН ТААТТАТААҔЫ ЛИЦЕЙ ВЫПУСКНИЦАТА
Үөрэх туйгуна Дайаана Боярова – Тааттатааҕы лицей киэн туттар, эрэнэр үөрэнээччитэ. Дайаана тылбаасчыт, тылы үөрэтэр, чинчийэр үлэһит буолар баҕалаах. Кини хотугулуу-илиҥҥи федеральнай университекка, уһук илиҥҥи федеральнай университекка, киин куораттар кыһаларыгар “Лингвистика”, “Международнай регионоведение”, “Филология” үөрэхтэригэр туттарсар соруктаах. Ол инниттэн биир кэлим эксээмэннэргэ нуучча тылын, обществознаниены, английскай тылы уонна профильнай математиканы туттарыаҕа. Тыллары сэҥээрэр кыыс Москваҕа “Национальное достояние России” научнай-практическай конференцияҕа 3 степеннээх дипломунан бэлиэтэнэн турар. Маны сэргэ Дайаана английскай тылга үөрэнээччилэр хотугулуу-илиҥҥи олимпиадаларын түмүктүүр түһүмэҕин 3 степеннээх призера, эмиэ английскай тылга россиятааҕы олимпиада региональнай түһүмэҕин призера. Итиэннэ бастыҥ үөрэҕин, кыһамньытын, ситиһиилэрин иһин СӨ Ил Дарханын уонна ХИФУ ректорын Саҥа Дьыллааҕы Харыйатыгар сылдьыбытын оскуолатааҕы сылларын биир үтүө түгэннэринэн ааҕар. Маны сэргэ Дайаана бииргэ үөрэнэр оҕолорун, кылааһын салайааччыта Сардана Спартаковна Сыромятникованы кытта Москва уонна Санкт Петербург куораттарга идэҕэ туһаайар турга сылдьыбыт, чаҕылхай өйдөбүллэри хаалларбыт күннэрин уонна Амма улууһугар сылгылары кытта алтыһар, аттары миинэн, алаас устун хаамтарар, хаһан да умнуллубат сүргэ көтөҕүллүүтүн бэлэхтээбит айаны оскуолатааҕы сылларын бастыҥ кэмнэринэн ааҕар. “Кыра кылаастан туйгуннук үөрэнии төрөппүттэртэн уонна учууталтан саҕаланар. Кинилэр эн санааҕын көтөҕөллөрө, өссө кыһалларга хайҕаан, тэптэрэн биэрэллэрэ уонна эн дьоҕургун, кыаххын көрөн, онно салайаллара олус элбэҕи быһаарар. Оттон итинник кыһалларыҥ, сөпкө бириэмэҕин аттарарыҥ, уруоккун тута ааҕан иһэриҥ барыта сыыйа күннээҕи олоххор киирэн хаалар. Өй үлэтэ, музыканан үлүһүйүү, спордунан дьарыктаныы үтүө эрэ өттүнэн дьайар, мэйии имигэс буоларыгар олук буолар. Саамай өйүүр, таптыыр дьоммор – ийэбэр Ксения Анатольевнаҕа, аҕабар Николай Александровичка муҥура суох махтанабын”,- диэн Дайаана санаатын үллэстэр. Сайаҕас майгылаах, кыра эрдэҕиттэн дьоһун киһи Дайаана Боярова маҥнайгы учууталыгар Матрёна Петровна Рахлееваҕа уонна кылааһын салайааччытыгар Сардана Спартаковна Сыромятниковаҕа, үөрэппит учууталларыгар барҕа махталын тиэрдэр. Тааттатааҕы лицей биир бастыҥ выпускнига үөрэҕин кыһатыгар сайдыыны уонна оскуолатын аата өрүү дуораччы ааттана турарыгар баҕарар. Оттон кылааһын оҕолоругар экзаменнарга үрдүк бааллары, өрүү сэмэй буолалларыгар уонна олохторо баҕаларын хоту салаллан иһэригэр баҕа санаатын тиэрдэр.
ЖАННА АЛЕКСЕЕВА, А.И.СОФРОНОВ-АЛАМПА ААТЫНАН ЫТЫК КҮӨЛ 1 НҮӨМЭРДЭЭХ ОСКУОЛАТЫН ВЫПУСКНИЦАТА
Алампа аатынан оскуола туйгун үөрэнээччитэ, биир бастыҥ выпускнига Жанна Алексеева маҥнайгы кылааска Тыараһа орто оскуолатыгар Софья Иннокентьевна Турнина кылааһыгар киирбит. Иккис кылаастан Ытык Күөл маҥнайгы оскуолатыгар Марина Егоровна Софроноваҕа үөрэммит, 5-с кылаастан Туйаара Александровна Хатылыкова салайар гуманитарнай кылааһыгар ситиһиилээхтик үөрэнэн кэллэ. Туйгун үөрэҕин, элбэх ситиһиитин, оскуола, нэһилиэк, улуус олоҕор көхтөөх кыттыытын иһин Жанна аатырыан аатырбыт “Артек” уонна “Океан” лааҕырдарга сынньанан, араас регионтан талыллан кэлбит, бэйэтин курдук бастыҥ, чаҕылхай оҕолору кытта бодоруһан, алтыһан, элбэх саҥаны бэлэхтээбит күннэрин оскуолатааҕы сылларын үтүө өйдөбүлүнэн ааҕар. Кыра эрдэҕиттэн билиигэ-көрүүгэ тардыһыытын, сайаҕас майгытын, тылга дьоҕурдааҕын өйдөөн көрөн, төрөппүттэрэ Светлана Николаевна, Алексей Алексеевич Жанна араас таһымнаах күрэхтэһиилэргэ, ааҕыыларга кыттыытын өйөөн, сүбэ-ама буолан, хас биирдии ситиһиититтэн үөрэн, оҕо үөрэххэ дьулуурун, кыһамньытын күөртээн, билигин Жанна — үөрэх туйгуна, оскуола активиһа. Кини улуустааҕы “Ситик” уонна оскуолатааҕы “Сайдам” оҕо хамсааһыннарыгар тэрийээччи, оҕолору түмээччи, тэрээһиннэри иилээччи-саҕалааччы быһыытынан кыттан, үлэлэһэн кэллэ. “Үчүгэй үөрэнээччи буоларга эрдэттэн кыһаллыахха наада. Бэриллибит сорудахтары уһаппакка-кэҥэппэккэ бириэмэтигэр толорон иһэр ордук. Ону тэҥэ үөрэнээччи учууталларга булгуччу убаастабыллаахтык сыһыаннаһыахтаах дии саныыбын”, — диэн Жанна санаатын үллэстэр. Жанна сэҥээрэр, сөбүлүүр, сүрэҕэ сытар эйгэтэ элбэх буолан, чопчу ханнык идэни баһылыан баҕарарын туһунан өр толкуйдаабыт. Билигин “коммуникативнай дизайн” диэн үөрэххэ тохтоон, Казань куоракка туттарсар баҕалааҕын этэр. Ол туһуттан биир кэлим экзаменнарга литератураны уонна обществознаниены талбыт. Бэлиэр аҕыйах хонугунан, бэс ыйын 1 күнүгэр, бастакы экзаменын туттараары долгуйа сылдьар. Үөрэх-билии аартыгар сирдээбит, иитэн-үөрэтэн таһаарбыт таптыыр оскуолатыгар Жанна махталлаах үөрэнээччилэри уонна куруук үүнэ-сайда турарыгар баҕарар. Оттон оҕолорго оскуолатааҕы сылларын туһалаахтык атааралларыгар, инники суолларын таба тайанан, ситиһиилээх үтүө дьон буолан тахсалларыгар баҕа санаатын тиэрдэр.
КЭРЭЧЭЭНЭ МАТВЕЕВА Д.А.ПЕТРОВ ААТЫНАН ЫТЫК КҮӨЛ 2№-ДЭЭХ ОРТО ОСКУОЛАТЫН ВЫПУСКНИЦАТА
Кыра сааһыттан үөрэххэ-билиигэ тардыһан, үчүгэй түмүктэри ситиһэргэ дьулуһар, бэйэҕэ ирдэбиллээх сыһыаны өрө тутар, туохтан да толлубакка иннин хоту баран иһэр соруктаах. Кэрэчээнэ байыаннай-патриотическай хайысхаҕа ситиһиитэ элбэх, “Снежный барс”, “Зарница”, “Петровскай ааҕыылар” кыайыылааҕа. “Педагогическай колледжка туттарсабын, алын сүһүөх кылаас эбэтэр физкультура учуутала буолар баҕалаахпын. Үөрэҕим кэнниттэн булгуччу дойдубар Тааттаҕа кэлэн үлэлиэм”, — диэн Кэрэчээнэ санаатын үллэстэр.
АРИАН НЕУСТРОЕВ, В.И.ЛЕНИН ААТЫНАН УОЛБА ОРТО ОСКУОЛАТЫН ВЫПУСКНИГА
Аҕата, тренерэ А.М.Неустроев Арианы 10 сааһыттан мас тардыһыытыгар сыһыаран, дьарыктаан, Ариан – 2025 сыллааҕы Манчаары Оонньууларын 3-с призёра,Суздаль уонна Нальчик куораттарга тэриллибит Россияҕа бастыыр иһин күрэс призёра, Анапаҕа ыытыллыбыт бүтүн россиятааҕы турнир чемпиона. “Кыра кылаастартан үөрэххэ кыһаллыахха, барытыгар кыттан иһиэххэ наада, кыайтарыыттан самныбакка өссө дьаныһан туран дьарыктанан, күүскэ үлэлээн, иннин хоту баран истэххэ ситиһии кэлэр ”,- диир физкультура институтун устудьуона буолар баҕалаах Ариан Неустроев.
АЛЕНА КОЛОДЕЗНИКОВА, Н.Д.НЕУСТРОЕВ ААТЫНАН УУС-ТААТТА ОРТО ОСКУОЛАТЫН ВЫПУСКНИЦАТА
Улуус, республика, регион, Россия таһымнаах олимпиадаларга, ааҕыыларга ситиһиилэрдээх Алёна үөрэҕи сэргэ үҥкүүнү, спорду, ырыаны, фольклору сэҥээрэр. Быйылгы үөрэх дьылыгар Алёна ХИФУ историяҕа олимпиадатын призёра, саха тылыгар ВОШ финалиһа буолары ситистэ. “Сандаар” фольклорнай коллективынан “Океан” лааҕырга сылдьан, куонкуруска кыттан, 1 степеннээх лауреат аатын сүкпүттэр. “Оҕолорго үөрэххэ уостубат дьулууру, туруоруммут сыалларын ситиһэ үөрэнэллэригэр, тапталлаах оскуолабар дьоҕурдаах үөрэнээччилэри уонна сайдыыны баҕарабын”,- диир оскуола эрэлэ, үөрэх бастыҥа Алёна Колодезникова.
ЧЕМПИНА КСЕНИЯ Х.И. КАШКИН ААТЫНАН ДААЙА АММЫ ОРТО ОСКУОЛАТЫН ВЫПУСКНИЦАТА
2022, 2023, 2024, 2025 сылларга – гиирэни көтөҕүүгэ улуустааҕы үөрэнээччилэр комплекснай спартакиадаларын кыттыылааҕа, призера, кыайыылааҕа.
2024 уонна 2025 сылларга Таатта улууһугар ыытыллыбыт “Бастыҥнар күннэрэ” – “Бастыҥнар хамсааһыннарын” олохтоох отделениетын бэстибээлигэр Х.И. Кашкин аатынан Даайа Амматын орто оскуолатын үөрэнээччилэрин “Эрчим” первичнэй отделениета иккис группаҕа икки төгүл кыайыылаах.
2024 сыллаахха «Nauka 0+» Бүтүн Арассыыйатааҕы билим бэстибээлин кыттыылааҕа. “Үйэлэр тухары айымньыҥ тарҕаныа” С.Р.Кулачиков – Эллэй төрөөбүтэ 120 сылыгар аналлаах Республикатааҕы хоһоон ааҕыытын күрэҕин кыайыылааҕа.“Оҕо сатабыла” Салайааччы Саргылана Ивановна Яковлевалыын Манчаары оонньууларын символын оҕуруонан оҥоруу күрэҕэр “Саамай түргэн үлэ” анал аат хаһаайына.
2025 сыллаахха Кыайыы 80 сылыгар анаммыт “Мир театра – театральная летопись войны” оскуолалар тыйаатырдарын улуустааҕы бэстибээлин кыайыылааҕа. Спорт маастардарын бирииһигэр өрөспүүбүлүкэтээҕи мас-рестлинг турнирыгар үһүс миэстэлээх.
2026 сыллаахха “Тутум эргиир” көрүҥэр күрэх кыайыылааҕа. Улуустааҕы “Кыталык Куо, Үрүҥ Уолан” оскуола оҕолоругар ыытыллар кэрэ күрэһэр “Мисс Грация” анал аат хаһаайката.
Ксения уһулуччу талааннаах, инникигэ эрэллээх оскуола боруогун атыллаан, олох киэҥ аартыгар үктэннэ.
ЕВГРАФОВ ЭРЧИМ И.Н.ГУЛЯЕВ ААТЫНАН ТУОРА КҮӨЛ ОРТО ОСКУОЛАТЫН ВЫПУСКНИГА
Великай Новгород куоратыгар бүтүн Арассыыйатааҕы «Профессионалы» күрэх ветеринария кэмпитиэнсийэтигэр дипломант. Өрөспүүбүлүкэтээҕи «СахаКВН» күрэҕин муҥутуур кыайыылааҕа. Өрөспүүбүлүкэтээҕи «Куолу» араатардар күрэстэрин Кылаан чыпчаал кыайыылааҕа. Саха сирин Ил Дархан харыйатын истипэндийээтэ. Өрөспүүбүлүкэтээҕи «Үҥкүүлээ эр хоһуун” күрэс бастакы истиэпэннээх лауреата. «Тыл уонна сатабыл» өрөспүүбүлүкэтээҕи интеллектуальнай оонньууга иккис миэстэлээх. Хотугулуу илиҥҥи федеральнай университет саха тылыгар оҕолорго ыытар олимпиадатын призера. Улуустааҕы «Үрүҥ Уолан — 2026» күрэс кыайыылааҕа.
СЕМЕНОВ ОСКАР П.А.ОЙУУНУСКАЙ ААТЫНАН ЧӨРКӨӨХ ОРТО ОСКУОЛАТЫН ВЫПУСКНИГА
Бүтүн Арасссыыйатааҕы үөрэнээччилэр олимпиадаларын «Труд» предметигэр улуустааҕы уонна өрөспүүбүлүкэтээҕи этабын кыайыылааҕа. “World skills-2023” чемпионат улуустааҕы этабын дипломана, Д.К.Сивцев — Суорун Омоллоон төрөөбүтэ 120 сылын көрсө ыытыллыбыт ааҕыыларга анал аат хаһаайына, «Былатыан сиэннэрэ» уонна «Бастакылар» Саха сиринээҕи оҕо хамсааһынын кыттыылааҕа. «Төрөөбүт дойду устун» бырайыак экскурсовода. Платон Алексеевич Ойуунускай төрөөбүт алааһыгар Өрөспүүбүлүкэ Бырабыытылыстыбатын делегациятыгар, Ил Түмэн депутаттарыгар, Хотугулуу — Илиҥҥи Федеральнай университет преподавателлэригэр, Сахабыт сирин араас оскуолаларын үөрэнээччилэригэр үрдүк таһымнаах экскурсиялары тэрийбитэ. Улуу Кыайыы аҕыс уон сылын көрсө ыытыллыбыт Өрөспүүбүлүкэтээҕи «Кыайыыга, салют» экспедиция кыттыылааҕа. Улуустааҕы политехническай марафон призера. «Наука+» норуоттар икки ардыларынааҕы эдэр чинчийээччилэр дойду тэбэр сүрэҕэр Москуба куоракка ыытыллыбыт бэстибээллэрин кыттыылааҕа. «Добро.РФ» бүтүн арассыыйатааҕы волонтерскай хамсааһын чилиэнэ. «Таатта улууһа» МТ баһылыгын Айаал Семенович Бурцев стипендиата. «Труд» олимпиадатын муниципальнай этаабын үс төгүллээх кыайыылааҕа, өрөспүүбүлүкэтээҕи этабын икки төгүллээх кыайыылааҕа, призера (салайааччы Иван Васильевич Богдокумов).
Оскар чинчийэр үлэтин, кыраайы үөрэтэр дьоҕурун устудьуоннуур кэмигэр салҕыы сайыннаран дойдутун ааттатыа, төрөөбүт түөлбэтин киэҥ сиргэ иһитиннэриэ турдаҕа.
ОКОЁМОВ ЕГОР М.Н.ТУРНИН ААТЫНАН ТЫАРАҺА ОРТО ОСКУОЛАТЫН ВЫПУСКНИГА
Егор оскуолаҕа араас хайысхаҕа элбэх ситиһиилэрдээх:
Ол курдук, үөрэххэ уонна билимҥэ:
• Математикаҕа Бүтүн Россиятааҕы оскуола олимпиадатын (ВсОШ) муниципальнай түһүмэҕэр 2024-2026 сс. кыайыылааҕа.
• 2026 с. Политех олимпиадаҕа ВсОШ муниципальнай түһүмэҕин кыайыылааҕа.
• 2026 сылга Математикаҕа ВсОШ республиканскай түһүмэҕин кыттыылааҕа.
• 2026 с. Республика политехническай марафонугар: математикаҕа, физикаҕа уонна химияҕа 1-кы миэстэ, информатикаҕа 3-с миэстэ.
Спорт аартыгар:
• 2024 сыллаахха 8-с Норуоттар икки ардыларынааҕы «Азия оҕолоро» спортивнай оонньууларын кыттыылаҕа;
• 2025 сылга Раменск куоракка ыытыллыбыт бүтүн Россиятааҕы «Үрүҥ көмүс мээчик» волейбол күрэҕин түмүктүүр түһүмэҕэр 3-с миэстэ, «Бастыҥ оонньооччу» номинация хаһаайына;
• 2024 сылга Южно-Сахалинскай куоракка Уһук Илин федеральнай уокурук Первенствотыгар 2-с миэстэ, «Бастыҥ көмүскээччи» номинация хаһаайына;
• 2024 сыллаахха Уфа куоракка ыытыллыбыт норуоттар икки ардыларынааҕы волейбол турнирыгар 1-кы миэстэ;
• 2025 сылга Республика таһымнаах «Котор мээчик» волейбол күрэҕэр 1-кы миэстэ;
• 2025 сылга А.П. Керемясов кэриэһигэр ыытыллыбыт СР Первенствотыгар 2007-2008 сс. төрүөхтэргэ 1-кы миэстэ;
• 8-11-с кылаастарга «Бастыҥ оонньооччу», «Бастыҥ көмүскээччи» уонна «Бастыҥ саба түһээччи» номинациялар хаһаайына.
Остуол оонньууларыгар уонна чэпчэки атлетикаҕа:
• Улуустааҕы остуол оонньууларыгар хабылык, хаамыскаҕа 1-кы уонна 2-с миэстэ;
• 2024 сылга СР үөрэнээччилэрин Спартакиадатын зачетугар киирбит остуол оонньууларыгар 3-с миэстэ;
• 2025 сылга Таатта улууһун оскуолаларын оҕолорун комплекснай Спартакиадатыгар троеборьеҕа 3-с миэстэ;
• 2026 сылга Многоборьеҕа 3-с миэстэ, үс төгүл үс уонна сахалыы эргиир көрүҥнэригэр 1-кы миэстэ;
• 8, 10, 11-с кылаастарга оскуола иһинэн ыытыллар «Үрүҥ Уолан» спортивнай күрэххэ үс төгүллээх Муҥутуур Кыайыылааҕа;
• 2025-2026 сс. Таатта улууһун оҕолоруга «Бастыҥ спортсмен» анал аат хаһаайына.
Литературнай ааҕыыларга:
• 2024 сылга Улуустааҕы «Эдэр актер» театральнай күрэххэ 2-с миэстэ;
• П.А. Ойуунускай төрөөбүтэ 130 сылыгар ыытыллыбыт улуустааҕы интеллектуальнай күрэххэ 1-кы миэстэ.
Егор биир кэлим экзамеҥҥа математиканы (профильнай), нуучча тылын, физиканы туттаран электроэнергетика хайысхаларын баһылаан Хотугулуу-Илин Федеральнай Университетын, Физико-Техническэй институтугар туттарсарга былааннанар.
Күндү тапталлаах учууталларбар саҥа үрдэллэри, өрүү инники күөнҥэ сылдьаргытыгар, көхтөөх, үөрэххэ дьулуурдаах саҥа үөрэнээччилэри баҕарабын! Бииргэ үөрэммит доҕотторбор ЕГЭ-ны үрдүк баалга туттаран, баҕалаах үөрэххитигэр киирэргитигэр баҕабын тиэрдэбин!
ПОТАПОВА САНДААРА, И.М.ХАТЫЛАЕВ ААТЫНАН БААЙАҔА ОРТО ОСКУОЛАТЫН ВЫПУСКНИЦАТА
2007 сыллаахха ахсынньы 17 күнүгэр күн сирин көрбүт Сандаара, 2015 сылтан билии аартыгын баһылаан, олоҕун суолун тобуллар. Кини үөрэххэ «туйгун» сыананан бүтэрэн, билиини ыраас дууһатынан иҥэринэн, кылаас уонна оскуола общественнай олоҕор көхтөөхтүк кыттар, «Движение Первых» хамсааһын актыыбынай чилиэнэ, Бүтүн Арассыыйатааҕы акциялар бастыҥ кыттыылааҕа буолар. Бу ситиһиилэр барыта Сандаара талыы-талба талааннааҕын, үөрэххэ, ускуустубаҕа, тылга уонна общественнай үлэҕэ дьулуурдааҕын туоһулууллар.
Билим аартыгын баһылаан:
• 2022 с. — М.К. Аммосов аатынан ХИФУ ИЯКН «Культурология» кафедратын тэрийиитинэн ыытыллыбыт «Культурный текст народа в творчестве Мастера (Мандар Уус ааҕыылара-2022)» Бүтүн Арассыыйатааҕы научнай-практическай конференцияҕа 2-с истиэпэннээх дипломана;
• 2022 с. — Республика таһымнаах НПК «Мандар Уус ааҕыылара» күрэххэ 2-с миэстэ;
• 2024 с. — «Айар үлэ» сиэксийэҕэ ыытыллыбыт Республика таһымнаах НПК «Мандар ааҕыылара 2024» лауреата;
• 2024 с. — Научнай практическай конференция «Первые шаги» муниципальнай түһүмэҕин лауреата;
• 2024 с. ХИФУ ИЗФиР тэрийиитинэн ыытыллыбыт IV Республика таһымнаах оскуола оҕолоругар аналлаах английскай тылынан научнай форумҥа «Science in English» III истиэпэннээх дипломант;
• 2025 с. Дьокуускай куоракка буолбут республикатааҕы «Барҕарыы» научнай-практическай конференция «Кылаан кыайыылааҕа»;
• 2025 с. алтынньы 22 күнүгэр Аҕа дойду Улуу сэрии 80 сылыгар анаммыт «Кинилэр Аҕа дойдуларын иһин сэриилэспиттэрэ» научнай-практическай конференция муниципальнай түһүмэҕин кыайыылааҕа;
• 2025 с. ахсынньы 8 күнүгэр академик В.П. Ларионов аатынан «Инникигэ хардыы» ыччат чинчийээччилэрин республиканскай конференция күрэҕин, муниципальнай түһүмэҕэр 2-с истиэпэннээх дипломана.
Айар талаан уонна уус-уран оҥоһук:
• 2023 с. «Молодые профессионалы» муниципальнай түһүмэҕэр «Флористика» компетенцияҕа 2-с миэстэ;
• 2024 с. П.А. Ойуунускай 130 сылыгар анаммыт «Мин туйгун норуотум-айар күүс кыһата» диэн Чөркөөххө ыытыллыбыт күрэххэ «Уус-уран оҥоһук», «Туос оҥоһук» уонна «Ситии хатыыта» көрүҥнэргэ 1-кы миэстэ;
• 2025 с. ахсынньы 8 күнүгэр «Улуу худуоһунньуктар хартыыналара оҕо хараҕынан» республиканскай уруһуй күрэҕэр 1-кы истиэпэннээх дипломант;
• 2026 с. «Радуга Севера» улуустааҕы быыстапкаҕа «Ювелирное изделие» уонна «Береста» компетенцияларга 1-кы миэстэ.
Тыл уонна ораторскай дьоҕур:
• 2024 с. — «Куолу-2024» республиканскай оратордар күрэхтэригэр Англия тылынан 3-с миэстэ, сахалыы тылынан анал аат;
• 2025 с. — Республикатааҕы«Куолу-2025» дистанционнай күрэххэ английскайдыы тылынан ыытыллыбыт эдэр оратордарга 2-с миэстэ;
• 2025 с. — Республикатааҕы олимпиадаҕа «Step by step» Английскайдыы тылынан 1-кы истиэпэннээх дипломант;
• 2025 с. — «Куолу-2025» республикатааҕы оратордар күрэхтэригэр сахалыы тылынан 3-с миэстэ.
Араас күрэхтэргэ уонна общественнай үлэҕэ:
• 2024 с. — Алтынньы 24 күнүгэр Таатта улууһун «Квант» МО тэрийиитинэн ыытыллыбыт XV республиканскай дистанционнай политехническай марафонҥа 9-11 кылаастар икки ардыларыгар 1-кы миэстэ;
• 2024 с. — Улуустааҕы КВН күрэҕэр «Саха КВН эрэлэ» номинация;
• 2024 с. — Таатта улууһун муниципальнай тус сыаллаах программатынан алтынньы 11-16 күннэригэр «Дьоҕурдаах оҕолору сайыннарыы» улуус оскуолаларын 38 бастыҥ үөрэнээччилэрин кытта Москваҕа Бүтүн Арассыыйатааҕы НАУКА 0+ билим фестивалын кыттыылааҕа;
• 2025 с. — «Мординовскай ааҕыылар», «Культура уонна искусство» муниципальнай күрэҕэр 2-с миэстэ;
• 2025 с. — А.Е. Мординов 115 сылыгар анаммыт «Мординовскай ааҕыылар» республиканскай күрэххэ «Культура уонна искусство» компетенцияҕа 2-с миэстэ;
• 2025 с. — С.Р. Кулачиков-Эллэй 120 сылыгар анаммыт «Ырыа буолбут хоһооннор» республиканскай литературнай-художественнай фестиваль-күрэххэ 2-с истиэпэннээх дипломант;
• 2025 с. — «Кыталык Куо 2025» муниципальнай кэрэ күрэҕэр «Мисс Фото» аат хаһаайката;
• 2025 с. — Дьокуускай куоракка буолбут «Цифровой уонна технологическай үөрэхтээһин научнай-концептуальнай олохторо» быыстапка кыттыылааҕа;
• 2025 с. — «Движение Первых» ПО«Дьоҕур» тэрийиитинэн муниципальнай «Мисс совета первых» күрэскэ, «Лучшая визитка» аат хаһаайка;
• 2025 с. — Ахсынньы 25 күнүгэр Таатта улууһун Баһылыгын харыйатын кыттыылааҕа.
АЙТАЛ ПОТАПОВ, Г.В.ЕГОРОВ ААТЫНАН ХАРА АЛДАН ОРТО ОСКУОЛАТЫН ВЫПУСКНИГА
— Бүтүн Россиятааҕы оскуола олимпиадатын (ВсОШ) быраап биридимиэтигэр муниципальнай түһүмэҕин призера;
— Хара Алдаҥҥа буолбут Хара Алдан төрүт олохтоохторун эр дьоҥҥо волейбол турнирыгар табаарыстыы көрсүһүүгэ 3-с миэстэ;
— Төрөөбүт кыраай историятын үөрэтии, культура уонна история объектарын булууга республикатааҕы кыраайы үөрэтэр куонкуруска 3 миэстэ;
— Саха Өрөспүүбүлүкэтигэр Оҕо саас сылыгар анаммыт Таатта улууһун оскуолатын оҕолорун комплекснай Спартакиадатын зачетугар эдэр уолаттарга баскетбол күрэҕэр 2-с миэстэ;
— Таатта улууһун Ытык Күөлүн эдэр уолаттарыгар ГТО-ҕа 2-с миэстэ.
ЛОПАТИНА АРИАНА Э.К. ПЕКАРСКАЙ ААТЫНАН ИГИДЭЙ ОРТО ОСКУОЛАТЫН ВЫПУСКНИЦАТА
«Профессионаллар» регионнааҕы чемпионакка «Бортпроводник сулууспата» компетенцияҕа 2-с миэстэ.
«Куолу-2026» республикатааҕы куонкуруска 2-с миэстэ.
Н.С. Мурзин сырдык кэриэһигэр анаммыт хайыһарга республикатааҕы күрэхтэһиигэ 1-кы миэстэ.
Физическай культураҕа Бүтүн Россиятааҕы олимпиада регионнааҕы түһүмэҕин призера, 2025 сыл.
Улуустааҕы волонтерскай этэрээттэр куонкурустарыгар 1-кы миэстэ.
«Кинилэр Ийэ дойду иһин кыргыспыттара» улуустааҕы НПК-ҕа 3-с миэстэ.
Тренер Н.Г. Турнин сырдык кэриэһигэр анаммыт волейбол күрэхтэһиитигэр «Кыайыыга дьулуурун иһин» номинация.
Улуустааҕы төрүт көрүҥ многоборье күрэхтэһиитигэр 2-с миэстэ.
Улуустааҕы хайыһар эстафетатыгар 1-кы миэстэ.
Дистанционнай политехническай марафон муҥутуур кыайыылааҕа.
«Зима начинается с Якутии» республикатааҕы фестиваль 2-с истиэпэннээх Лауреата (соло үҥкүү).
«Бастакылар хамсааһыннарын» муниципальнай фестивалыгар 1-кы миэстэ.
«Мындыр идэ ИТ» («Моя профессия ИТ») куонкурус муниципальнай түһүмэҕин кыттыылааҕа.
«Үҥкүүлүүр Таатта» үҥкүү куонкурсугар 1-кы миэстэ.
МАТВЕЕВА КРИСТИНА А.Е. КУЛАКОВСКАЙ ААТЫНАН ДЬОХСО5ОН ОРТО ОСКУОЛАТЫН ВЫПУСКНИЦАТА
Саха Өрөспүүбүлүкэтин Ил Дархана А. С. Николаев саҥа дьыллааҕы Ёлкатын стипендиата (2026 с.).
«Күн Оһуохайа-2025» өрөспүүбүлүкэтээҕи телевизионнай куонкурс чэрчитинэн, оһуохайдьыттар оскуолаларын төрүттээччи Д. Я. Федотов аатынан анал стипендия лауреата (2025 с.).
Агрооскуолалар үөрэнээччилэрин икки ардыгар ыытыллыбыт «Юный фермер» өрөспүүбүлүкэтээҕи бизнес-былааннар куонкурстарын кыайыылааҕа (бырайыак тиэмэтэ: «Гидропоника», 2024 с.).
Агропрофильнай оскуолалар икки ардыларынааҕы «Молодой хозяин земли» өрөспүүбүлүкэтээҕи куонкуруска оскуола хамаандатын састаабыгар киирэн кыайыылаах аатын ылбыта (2025 уонна 2026 сс.).
«Барҕарыы» өрөспүүбүлүкэтээҕи оскуола оҕолорун научнай-практическай конференция I степеннээх дипломана (чинчийэр үлэ тиэмэтэ: «Таатта чаҕылхай уола Р. Ф. Кулаковскай», 2023 с.).
«Дьурускэн» фольклорнай ансамбль састаабыгар киирэн, Кытайга Янцзы куоратыгар ыытыллыбыт «Красочный калейдоскоп» аан дойдутааҕы куонкуруска «Фольклор толоруута» хайысхаҕа II степеннээх Лауреат буолбута.
«Күн Оһуохайа-2025» өрөспүүбүлүкэтээҕи телевизионнай оһуохайдьыттар куонкурустарын полуфиналиһа.
СЕРДЦЕВА ЛИАНА ТЫАРАҺАТААҔЫ АНАЛЛААХ (КОРРЕКЦИОННАЙ) ОСКУОЛА-ИНТЕРНАТ ВЫПУСКНИЦАТА
Лиана оскуола бары тэрээһиннэригэр көхтөөхтүк кыттынна. «Илиибит сылааһа» («Тепло наших рук») уонна «Кулинария» куруһуоктарыгар сылдьыбыта. Ситиһиилэрэ:
2025 с. – «Суһуох тупсарааччы» («Мастер по прическам») Өрөспүүбүлүкэтээҕи онлайн-куонкуруска уонна «Кондитер» компетенцияҕа 2-с миэстэлэр.
Дьокуускай к. – «Всякое дело мастера боится» Өрөспүүбүлүкэтээҕи куонкуруска «Үүнээйини үүннэрии» («Растениеводство») хайысхатыгар 2-с миэстэ.
2026 с. – «Үп-харчы эйгэтэ оҕо хараҕынан» Өрөспүүбүлүкэтээҕи үп-харчы билиитигэр оонньуу кыттыылааҕын сертификата.
«Саас» – III Норуоттар икки ардыларынааҕы кэтэхтэн ыытыллыбыт айар куонкуруска «Ойуулуур-дьүһүннүүр уонна прикладной искусство» номинациятыгар I степеннээх Лауреат.
«2026 сыл бэлиэтэ» – Саха Өрөспүүбүлүкэтин аналлаах (коррекционнай) оскуолаларын икки ардыларынааҕы Регионнааҕы куонкуруска I степеннээх Диплом.
«Абилимпикс»-2026 – Саха Өрөспүүбүлүкэтигэр идэтийбит маастарыстыбаҕа XI Регионнааҕы чемпионат кыттыылааҕын сертификата («Агрономия» компетенция).
Үөрэҕэр үрдүк көрдөрүүлэрүн уонна куонкурустарга, күрэхтэһиилэргэ ситиһиилэрин иһин бу үөрэх сылыгар Саха Өрөспүүбүлүкэтин
Бэйэ информ.