Уруйана.
Бэтэринээр идэтэ төһө да уустугун, киһи доруобуйатыгар сэрэхтээҕин да иһин, сахаларга олус чугас буоллаҕа. Тааттатааҕы бэтэринээринэй сулууспа чинчийэр лабораториятыгар уопсайа биэс салаа үлэлиир: бактериологическай, серологическай, химико-токсикологическай, паразитологическай уонна ветеринарносанитарнай экспертиза. Манна уопсайа 9 үлэһит баар, ол курдук алта анал үөрэхтээх ветеринарнай быраас, икки санитар, ону тэҥэ биир ветеринарнай фельдшер. Бу курдук тобуллаҕас толкуйдарынан, күүстээх санааларынан дьүккүөрдээхтик, биир санаалаах, истиҥ сыһыаннаах кэллэктиип күн ахсын эппиэтинэстээх үлэҕэ тахсар. Бу идэнэн билииҥ таһынан туохтан да толлубат, тулуурдаах, күүстээх киһи эрэ өр тулуһан үлэлиир үлэтэ. Кыыл-сүөл сыстыганнаах ыарыыларын кытта күннэтэ сэрэхтээх үлэҕэ үлэлиир.
Ол курдук, лаборатория үлэһиттэрэ улуус үрдүнэн сылга иккитэ күүстээх бэрэбиэркэни ыытан, ону тэҥэ үүт-эт аһылык хаачыстыбатын көрөн хонтуруоллуу олорор. Бэтэринээрнэй чинчийии лабораториятыгар лейкозка, бруцеллезка 21583 проба сүөһү хаана, 10 проба ынах аборта чинчиллэн сыстыганнаах ыарыы көстүбэтэ. 11 ый түмүгүнэн бэтэринээрнэй экспертизаҕа 6 проба ынах, 53 проба сибиинньэ, 1 проба сылгы, таба, ону таһынан ынах быара уонна 1803 проба үүт көрүллүбүт. Сүөһү аһылыгар 160 проба химико-токсикологическай чинчийиигэ киирэн көрүлүннэ, ол иһигэр 134 от, 23 комбикорма, 2 туораах бурдук. Уопсайа 831 чинчийии оҥоһуллубутуттан икки нэһилиэк ото каротина нуорматтан кыраны көрдөрбүт. Химичэскэй эттиктэргэ 34 сүөһүгэ туттуллар уу көрдөрүүтүнэн икки уу биир нэһилиэккэ нуорматтан үрдүк буолбут. Ынахсүөһү доруобуйатын бэрэбиэркэлээн 768 сүөһү хаанын сыыбараткатын көрүлүннэ, 310 сүөһү хаанын каротина нуорматтан кыраны көрдөрдө. Паразитологияҕа 5366 фекалий көрүлүннэ, бактерологияҕа 583 проба оҥоһулунна.
Октябрина Хрисанфовна Яковлева 90-с сыллартан үлэлиир уопуттаах ветеринарнай быраас, лабораторияҕа үлэлээбитэ номнуо 29 сыл буолбут. Кини үөрэҕин бүтэриэҕиттэн бэриниилээхтик, илиитин араарбакка үлэлээн билигин дириэктэри солбуйааччынан үлэлии-хамсыы сылдьар. Октябрина Яковлева бэйэтэ көрсүө-сэмэй буолан эдэр исписэлиистэри бэйэтин эйгэтигэр киллэрэн, тэбис-тэҥҥэ илдьэ сылдьан үөрэтэн –такайан күн бүгүнүгэр диэри олус иллээхтик биир тыынынан дьаныардаахтык үлэлии олороллор