ЕВГРАФОВ АФАНАСИЙ ТРОФИМОВИЧ
(1912-1942)
1912 с. Дьүлэй нэһилиэгэр төрөөбүт. Холкуос үлэлэригэр кыра сааһыттан кыттыбыт. 1930 с. алта хаһаайыстыбалаах «Кыһыл Муоһай» ТСОЗ тэрийсибит, табаарыстыба бэрэссэдээтэлинэн талыллыбыт. 1938 с. бу табаарыстыба базатыгар П.Алексеев аатынан колхоз тэриллибит. 1941 с. сэриигэ ыҥырыллан барыар диэри «Петр Алексеев» колхоз бэрэссэдээтэлин солбуйааччытынан, холкуоска ферма сэбиэдиссэйинэн үлэлээбит.
1942 с. от ыйыгар Чурапчытааҕы ХОВК бэбиэскэтинэн сэриигэ ыҥырыллыбыт. 1942 с. сэтинньигэ Смоленскай уобалас Сычевскай оройуон Выселки дэриэбинэтигэр сэрии толоонугар хорсуннук охтубут.
Сэриигэ барыан иннинэ кэргэннэнэн, биир оҕоломмут. Уола Григорий Афанасьевич Евграфов тоҕус оҕоломмут. Билигин сиэннэрэ, хос сиэннэрэ эһэлэрин олоҕун салгыыллар.
Афанасий Трофимович кэргэнигэр Мария Ивановна Евграфоваҕа сэриииттэн суруйбут суруктара, кыра үөрэхтээх буолан былыргы латыын алпаабытынан суруллубуттар.
1943 сыллаахха хара суруга кэлбитэ