Кыайыы кынаттаах Албан аат – тыыннаах
Толстяков Петр Васильевич (1917-1992)
🔹Таатта оройуонун Тыараһа нэһилиэгэр төрөөбүтэ. 1940 с. Чурапчы педучилещатын үөрэнэн бүтэрбитэ. Чурапчы Дириҥ оскуолатыгар учууталынан үлэлээбитэ. 1934 сылтан комсомол чилиэнэ. 1941 с. балаҕан ыйыгар Кыһыл Аармыйаҕа Чурапчытааҕы холбоһуктаах военкоматынан ыҥырыллыбыта. Хотугулуу-Арҕааҥҥы фроҥҥа 15-с биригээдэҕэ оһуобай разведротаҕа разведчигынан сэриилэспитэ. 1942 с. дойдутугар эргиллэн Тыараһа 7 кылаастаах, Ытык Күөл Чөркөөх орто оскуолаларыгар учууталынан военругунан үөрэх чааһын сэбиэдиссэйинэн үлэлээбитэ. Кинини үөрэппит учуутала Васильев П.В. саҕалаабыт драмкуруһуогун 1949 с. салҕаан үлэлэппитэ, биллэр-көстөр суруйааччылар айымньыларынан спектакллары, пьесалары, сценкалары туруоран, айымньылар геройдарын тыыннаан үйэтитэн, элбэх талааннары таһааран Чөркөөх театра норуот театрын аатын ылыытыгар олук уурбута. Режиссер идэтэ суох эрээри аҥардас айылҕаттан бэриллибит талаанынан бэриниилээхтик, бары сыратын биэрэн туран үлэлээбитэ. Ол түмүгэр театр аата ааттаммыта, театрга кини аата бэриллэн үйэтитиллибитэ. Кэргэннэммитэ, оҕолордоох, сиэннэрдээх.
Наҕараадалара: Албан Аат I уонна III степеннээх орденнара, «Аҕа дойду Улуу сэриитигэр 1941-1945 сс. Килбиэннээх үлэтин иһин», «Германияны кыайыы иһин», «ССРС Сэбилэниилээх күүстэрин 50, 60 сыла», «Кыайыы 30 сыла» мэтээллэр. «Үлэ бэтэрээнэ» бэлиэлээх. Норуот үөрэҕириитин туйгуна.