Алтынньы ый 27 күнүгэр Тааттыныскай нэһилиэк культурнай-спортивнай залыгар сыллата ыытыллар нэһилиэктэр икки ардыларынааҕы мас тардыһыытын комплекснай спартакиадата буолан ааста.
Манна 8 нэһилиэктэн 90 мадьыны кэлэн күөн көрүстэ.
Курэхтэһии үөрүүлээх аһыллыытыгар «Тааттыныскай нэһилиэк» МТ баһылыга Е.И. Павлов спортсменнарга эҕэрдэ истиҥин, баҕа санаа бастыҥын анаан туран, күрэххэ ситиһиилэри, үрдүк кыайыыны баҕарда. Улуустааҕы спортивнай кэмитиэт салайааччыта Ньургун Сабарайкин үтүө тыллары анаан, бу күн Саха сирин сүүмэрдэммит хамаандатын састаабыгар киирэн, Словакияҕа Европа чемпионатыгар кыттыахтаах эдэр, кэскиллээх мадьыныбытыгар, Россия уонна Саха сирин чемпионугар Мирон Андросовка махтал тыллары этэн, күрэхтэһиигэ ситиһиилээхтик кыттарыгар спортивнай көстүүмү бэлэх уунна Уус Таатта нэһилиэгэр аҕалбыт саҥа стандартнай тэбилик маһы бэлэхтээтэ.
Түмүккэ курэхтэһии сүрүн судьуйата П.П. Стрекаловскай күрэхтэһии кыттыылаахтарыгар кылгас билиһиннэрии кэнниттэн ким түмсүүлээх, ким дьарыктаах, ким кыайыыга дьулуурдаах ол кыайдын диэн баҕа санаатын эттэ.
Күрэхтэһии комментаторынан биһиги бары ытыктыыр киһибит П.П. Ермолаев төрөппүт уола П. Ермолаев салайан, күрэхтэһиини таһымын үрдэттэ.
Түмүккэ 1 м. — Ытык Күөл,
2 м. — Баайаҕа,
3 м. — Уус Таатта хамаандалара ыллылар.
Хамаандаларга өссө үрдүк ситиһиилэри!
Ньургун САБАРАЙКИН.