Төрөөбүт тыл, сурук-бичик күнүн Э.К.Пекарскай аатынан Игидэй орто оскуолата өрө көтөҕүллэн туран, киэҥ далааһыннаахтык көрүстэ.
Ол курдук сарсыарда оскуола боруогун атылааккын кытта, үөрэн-көтөн чаҕылыспыт сахалыы таҥастаах оҕолор, оскуолаҕа эрчимнээхтик туттан-хаптан сылдьаллара киһи хараҕар быраҕыллар.
Сарсыарда 3 бастакы уруогунан улахан кылаас оҕолоро «Тыыннаах тыл» өрөспүүбүлүкэтээҕи ахсыйаҕа кыттан, дьыктаан суруйдулар, орто сүһүөх оҕолоро аахсыйа чэрчитинэн викторинаҕа эппиэттээтилэр.
Үлэни саха тылын уонна литературатын учуутала Ефимова Варвара Константиновна уонна олохтоох модельнай библиотека сэбиэдиссэйэ Жулева Кристина Алексеевна сүрүннээтилэр.
Үһүс уруок кэнниттэн оскуолаҕа«Төрөөбүт төрүт тыл, сурук-бичик» күнүгэр аналлаах линейка ыытылынна. Линейканы директоры иитэр үлэҕэ солбуйааччы Захарова Любовь Николаевна иилээн-саҕалаан ыытта.
«Хомус алыба» ансамбыл оҕолоро хомус дьүрүскэн дорҕоонун таһаардылар, 7 кылаас үөрэнээччилэрэ Нохсоров «Дыырай Бэргэн» олоҥхотун толордулар.
Маны таһынан нуучча тылын учуутала, дириэктэр сүбэһитэ Наталья Борисовна Баннова аатынан оҕо хамсааһынын салайааччыта Нажим Нестеров, кылаас салайааччыларын сүрүннээһиннэринэн Мария Павловна Ермолаева, оҕо уонна төрөппүт кыттыылаах саха тылынан ТОК-оонньуу ыытылынна.
С.Р. Кулачиков — Эллэй үбүлүөйдээх сылыгар аналлаах кылаастар икки ардыларыгар күргүөмүнэн хоһоон ааҕыытын күрэҕэ ыытылынна.
Дьүүллүүр сүбэҕэ үлэлээтилэр: Э.К. Пекарскай аатынан педагог-библиотекарь Гизелла Софроновна Попова, нэһилиэк модельнай библиотекатын сэбиэдиссэйэ Кристина Алексеевна Жулева, «Анна Павловна Варламова» аатынан түмэл сэбиэдиссэйэ Татьяна Эдуардовна Маркова.
Дьүүллүүр сүбэ үлэтин түмүгэ:
ТОК-оонньуу
1 м — 5 кылаас сал. Захарова Л.Н.
2 м — 7 кылаас сал. Баннова Н.Б.
2 м — 10 кылаас сал. Матаннанова Д.Т.
3 м — 6 кылаас сал. Сунхалырова З.Н.
3 м — 9 кылаас сал. Ермолаева М.П.
«Кыайыыга дьулуурун иһин» анал аат 8 кылаас сал. Габышева А.В.
Уус-уран ааҕыыга
Алын сүһүөххэ:
1 м. 2-3 кылаас уолаттарын бөлөҕө «Тааттаҕа» хоһоонунан. Сал. Антоева Л.И., Захарова А.И.
2 м. 3 кылаас. «Таптыаҕыҥ ийэни». Сал. Захарова А.И.
3 м. 2 кыл. «Таба». Сал. Антоева Л.И.
4 м. 4 кыл. «Күөрэгэй». Сал. Захарова А.А.
Оскуола иһинэээҕи «медиаоскуола» үлэлээтэ:
7 кылаас үөрэнээччилэрэ интервью ыллылар, видеоролик оҥорон тэрээһини үйэтитиигэ ылыстылар. 8 кылаас үөрэнээччитэ Дубенко Вероника 9 кылаас, Захарова Сайыына 7 кылаас үөрэнээччилэрэ ыстатыйа суруйуутугар ылыстылар.
«Медиаоскуола» бөлөҕүн саха тылын уонна литературатын учуутала В.К.Ефимова салайан үлэлэттэ.
Бу курдук ийэ тыл биһигэ Игидэйгэ «Төрөөбүт тыл, сурук-бичик» күнүн олус тэрээһиннээхтик көрүстүбүт.
Варвара Ефимова.
Видематырыйаалы Игидэй «МЕДИАОСКУОЛАТА» бэлэмнээтэ.