Ытык Күөллээҕи «Өймөкөөн холбоһуулаах Таатта улууһун бэтэринээринэй-чинчийэр лабораториялаах бэтэринээрийэ управлениетын» тэлгэһэтигэр «Виварий» диэн кыылы тутар анал дьиэҕэ санитарнай быраастар Люция Даниловна Дедюкина, Мария Ивановна Шадрина кыһамньылаахтык үлэлииллэр.
Манна бэтэринээринэй сулууспа ас-үөл хаачыстыбатын бэрэбиэркэлииргэ биологическай анаалыһы чинчийэргэ туһаныллар түргэнник ситэр кыыллартан муора свинкатын, үрүҥ кутуйаҕы, хоруолуктары туталлар. Ону тэҥэ кэккэ сылларга барааннары ииппиттэрэ.
Үлэһиттэр чинчийиигэ туһаныллар кыыллар анаалыстара ыраас буоларын туһуттан сибиэһэй оҕуруот аһынан аһыырын, олорор усулуобуйата ыраас, кураанах буоларын күүстээх хонтуруолга туталлар. Кыыллар билэр уорганнара күүстээх буолан, анаалыһы тириилэригэр сотон бэрэбиэркэ үлэтэ ыытыллар.
«Виварийга» буолбут сэдэх түгэн
Аҕыйах сыллааҕыта «Виварийга» ураты дьикти түгэн буолан ааспыта. Дьиэ кыыла хоруолук төрүүрүгэр-ууһууругар уйатын оҥостор, бэрийэр идэлээх. Ол курдук биир ийэ хоруолук төрүүрэ чугаһаан, уйатын оҥостон хас даҕаны оҕоломмута. Икки нэдиэлэ ааспытын кэннэ ийэ хоруолук эмиэ уйа оҥостон соһуппута. Үлэһиттэр дьиктиргиэхтэрин иһин, хоруолук эбии 4 оҕону төрөтөн соһуппута. Бэтэринээринэй сулууспа үлэһиттэрэ быһааралларынан, бу көстүү ийэ хоруолук төрүүр-ууһуур уоргана ураты сайдыылааҕыттан тахсыбытын бэлиэтииллэр.
Мария Павлова.