ССРС Суруналыыстарын сойууһун чилиэнэ, судаарыстыбаннай уонна бэлитиичэскэй диэйэтэл Охлопков Филипп Гаврильевич төрөөбүтэ 90 сылынан суруналыыстар өрөспүүбүлүкэтээҕи куонкурустарын
БАЛАҺЫАННЬАТА
- Уопсай балаһыанньалар:
- Суруналыыстар өрөспүүбүлүкэтээҕи куонкурустара
(салгыы – Куонкурус) Ф.Г.Охлопков төрөөбүтэ 90
сылын бэлиэтээн ыытыллар. Куонкурсу тэрийээччилэринэн “Сахабэчээт” Саха Өрөспүүбүлүкэтин судаарыстыбаннай автономиялаах тэрилтэтэ, Ф.Г. Охлопков
оҕолорун дьиэ кэргэттэрэ буолаллар.
- Куонкурус сыала: үбүлээр олоҕун, үлэтин туһунан киэҥ
эйгэҕэ таһаарыы, устуоруйа суолталаах сабыытыйаларын
сырдатыы итиэннэ култуурунай нэһилиэстибэтин хаалларыы, харыстааһын.
- Өрөспүүбүлүкэ, оройуоннар, куораттар бэчээтинэй таһаарыыларын суруналыыстарын уонна уопсастыбаннай кэрэспэдьиэннэрин Куонкуруска кыттыыны ыларгытыгар ыҥырабыт.
- Куонкуруска Охлопков Ф.Г. олоҕун, үлэтин сырдатар
матырыйааллар ылыллаллар.
- Куонкурсу ыытыы Бэрээдэгэ:
2.1. Куонкурус маннык номинацияларынан ыытыллар:
— “Охлопков Ф.Г. тыа хаһаайыстыбатын уонна саха тыатын
сирин туруктаах оҥорууга үтүөлэрин сырдатар бастыҥ
ыстатыйа”;
—“Охлопков Ф.Г. судаарыстыбаннай-бэлитиичэскэй диэйэтэл
быһыытынан үлэтин сырдатар бастыҥ ыстатыйа”;
— “Охлопков Ф.Г. суруналыыс, айар үлэһит быһыытынан
дьарыгын сырдатар бастыҥ ыстатыйа”.
2.2. Куонкуруска ыытыллар үлэ кээмэйэ – 7 000 бэлиэттэн
тахсыбат. Үлэ хаартыскалаах буолара биһирэнэр.
2.3. Куонкуруска кыттар үлэлэр сахалыы, нууччалыы – икки
судаарыстыбаннай тылынан суруллаллар.
2.4. Куонкуруска кыттар матырыйааллар Word форматынан
okhlopkovfg.konkurs.026@mail.ru. электроннай почтаҕа
ыытыллаллар.
2.5. Матырыйаалы туттарыы болдьоҕо – 2026 сыл ахсынньы
1 күнүн киллэрэн туран.
2.6. Куонкуруһу ыытыы туһунан эбии иһитиннэриилэр
“Сахабэчээт” СӨ САТ
эписсийээлинэй сайтыгар таһаарыллыахтара.
2.7. Куонкуруска ыытыллар матырыйаалга ааптар туһунан ис
хоһоонноох: араспаанньата, аата, аҕатын аата, үлэлиир
сирэ итиэннэ матырыйаал ханнык номинацияҕа кыттара
ыйыллар сурук сыһыарыллар.
2.8. Куонкуруска ыытыллыбыт матырыйааллар ырытыллы-
баттар (рецензия) итиэннэ төннөрүллүбэттэр.
2.9. Жюри Куонкурус түмүктэнэ илигинэ, киирбит матыры-
йааллартан талан өрөспүүбүлүкэ судаарыстыбаннай
бэчээтинэй таһаарыыларыгар бэчээттэтэр быраабы
бэйэтигэр хаалларар.
- Куонкурус лауреаттарын быһаарыы уонна наҕараадалааһын
3.1. Куонкурус номинацияларынан лауреаттары Жюри
быһаарар.
3.2. Жюри бэрэссэдээтэлэ — Стручкова Ньургуйаана
Михайловна, “Сахабэчээт” СӨ САТ генеральнай
дириэктэрэ.
3.3. Жюри Куонкуруска киирбит матырыйааллары 2027 сыл
ахсынньы 1 күнүн киллэрэн туран көрөр. Куонкурус
түмүктэрэ 2027 сыл тохсунньу 13 күнүгэр, Арассыыйа
Бэчээтин күнүн бэлиэтээһин тэрээһинин чэрчитинэн
биллэриллэллэр.
3.4. Үс номинацияҕа бастыҥынан быһаарыллыбыт үлэлэр
өрөспүүбүлүкэ судаарыстыбаннай бэчээтинэй уорган-
нарыгар бэчээттэниэхтэрэ. Куонкурус номинацияларынан
лауреаттар дипломунан уонна 20 000 солк. ( сүүрбэ
тыһыынча) харчынан бириэмийэнэн наҕараадаланаллар.