Олунньу — Одун ыйыгар, Таатта нэһилиэгэр 2024 сыл Арассыыйаҕа Дьиэ кэргэн, улууска Таптал.Эрэл.Итэҕэл. сылларынан өссө биир эдэр ыал эбилиннэ.
Киһи олоҕор биир улахан суолталаах түгэн — Ыал буолуу. Ол курдук, олунньу 22 күнүгэр 2024 сылга эдэр ыал Айталина, Валериан Слепцовтар сүрэхтэрин холбуур туоһу суруктарын тутар кэрэ күнэ буолла.
Үөрүүлээх чааска саҥа ыалы улуус үлэҕэ уонна социальнай көмүскэлгэ управлениетын салайааччыта Михаил Тарасов, улуус ыччат дьыалатын уонна дьиэ кэргэн политикатын отделын салайааччыта Иван Старостин, улуус дьахтар сэбиэтин исписэлииһэ Варвара Будикина, төрөппүттэрэ эҕэрдэ, алгыс тыллары эттилэр, анал бэлэхтэри туттардылар.
Саҥа ыалларга бу күн олохторун тухары сырдык уонна умнуллубат кэрэ түгэн өйдөрүгэр хаалыаҕа. Кэргэнниилэр бэйэ-бэйэлэригэр истиҥ сыһыаннаах, өйдөһөр, өйөһөр буоллахтарына – ол удьуор дьолун төрдө.
Тапталгыт хаһан да сойботун, ил-эйэ эҥэрдэстин.
Елена Слепцова.