Таатта улууһугар Педагог уонна Уһуйааччы сылын түмүктүүр тэрээһин иһинэн учуутал профессиональнай таһымын үрдэтэр, баай үөрүйэҕи биэрэр «Сыл бастыҥ учуутала» күрэс ыытылынна. Быйылгы күрэс түһүмэхтэригэр учууталлар сонун ньымалары туһаннылар, үөрэх хаачыстыбатын үрдэтиигэ туһуламмыт тус санааларын сырдаттылар, саҥа хайысхалары киллэрдилэр.
Күрэск кыайыылахтарынан ааттаннылар:
Анатолий Иванович Меркурьев (Туора Күөл ОО) — «Сыл бастыҥ учуутала» 3 истиэпэннээх лауерата, Пахомовтар педагогическай династияларын билиниитин ылан, анал бэлэх хаһаайына;
Саргылана Егоровна Яковлева (Дьохсоҕон ОО) «Сыл бастыҥ учуутала» 2 истиэпэннээх лауреата, Неустроевтар педагогическай династияларын анал бэлэҕин хаһаайката;
Уйгулаана Романовна Романова — «Сыл бастыҥ учуутала» 1 истиэпэннээх лауерата, «Новатор-учуутал» анал аат, дириэктэрдэр куорпустарын бирииһин хаһаайката буолар чиэскэ тигистилэр;
Анна Дмитриевна Варламова — «Сыл бастыҥ учуутала» күрэс муҥутуур кыайыылааҕынан ааттанан, «Ил Түмэн» Судаарыстыбаннай Мунньаҕын дьокутаата Виктор Николаевич Лебедев анал бирииһин хаһаайкатынан буолла.
Мария Павлова.